د امریکا د متحده ایالاتو د بهرنیو مرستو د ۹۰ ورځو ځنډیدو د پریکړې وروسته افغانستان کې هم بشري د مرستو چمتو کولو بهیر اغیزمندیو په اړه اندیښنې زیاتې شوي او د ملګرو ملتونو وګړو صندوق ویلي چې په دغه هیواد کې له نهو میلیونو څخه زیات کسان روغتیايي خدمتونو ته د نه لاس رسی د ګواښ سره مخ دي.
د افغانستان د پخواني حکومت د بلک هاک هلیکوپترو د سپارلو په اړه د راپورونو له خپرېدو وروسته چې له ازبیکستان څخه متحده ایالاتو ته انتقال شوي، د طالبانو د دفاع وزارت د اندیښنې په څرګندولو سره ویلي چې دا الوتکې د افغانستان ملکیت دي او باید بېرته افغانانو ته وسپارل شي.
د ملګرو ملتونو د امنیت شورا ویلي چې ټاکل شوې د دوشنبې په ورځ فبرورۍ لسم ( سلواغې ۲۲) به ددغې شورا غړي په یوه غونډه کې د افغانستان په ګډون په سیمه کې د اسلامي دولت د خراسان څانګې (داعش) د ډلې د ګواښونو په اړه خبرې وکړي.
د طالبانو د حکومت د بهرنیو چارو وزارت په ترکیې کې د افغانستان سفارت د فعالیت د بندیدو په اړه ددغه سفارت د اعلان په غبرګون کې ویلي چې انقره کې د افغانستان سفارت د معمول په څېر خپل فعاليت ته دوام ورکوي او د سفارت دروازې د مراجعینو پرمخ پرانیستې دي.
د طالبانو د حکومت سترې محکمې د افغانستان په یو شمیر ولایتونو کې د تعزیري سزاګانو د حکمونو د پلي کیدو خبر ورکړی او ویلي دي چې د فبرورۍ د روانې میاشتې له پیل راهیسې یې تراوسه د ښځو په ګډون لږ تر لږه ۱۹ تنه په عام محضر کې په دُرو وهلي دي.
د کډوالو په چارو کې د ملګرو ملتونو عالي کمېشنري او د مهاجرت نړیوال سارمان له پاکستان څخه د افغان کډوالو او پناه غوښتونکو د اېستلو د نوي پلان په اړه اندېښنه ښودلې ده.
د ننګرهار په ګوشتې کې د نفرایټو د کان کیندنه روانه ده. دغه شنې قیمتي ډبرې د افغانستان د هغو کانونو برخه ده چې د طالبانو حکومت غواړي د مالي سرچینو په توګه ورڅخه ګټه ترلاسه کړي.
د طالبانو حکومت چین ته د بګرام د هوايي ډګر د سپارلو په اړه خپرو شویو راپورونو ته په غبرګون کې ویلي چې چین سره د دغه هوايي ډګر د سپارلو په برخه کې هیڅ کوم تعامل نلري او دا هوايي ډګر ددغې ډلې له خوا اداره کیږي.
د ملګرو ملتونو د مرستندویه پلاوي دفتر ( یوناما) ویلي چې په کابل کې د ملګرو ملتونو په یو دفتر کې د طالبانو د امنیتي ځواکونو د یو غړي په ډزو کې لږ تر لږه یو تن وژل شوی او یو بل ټپي شوی دی.
د ملګرو ملتونو د خوړو نړیوال پروګرام (WFP) په افغانستان کې پر خلکو د روانې وچکالۍ او د اقلیم د بدلون د اغیزو په اړه یو ځل بیا اندیښنه ښودلې او ویلي دي چې د وچکالۍ له امله ډیرو کورنیو خپلې مینې پريښي او بهرنیو هیوادونو په کډون یې نورو سیمو ته په ډله ییز ډول کډې کړي دي.
د ملګرو ملتونو د بشري مرستو د همغږۍ اداره ( اوچا) وايي چې په افغاسنتان کې لا هم ماینونه او ناچاودې توکي د افغانانو ژوند ګواښوي او هره میاشت په دغه هیواد کې تر ۵۵ پورې کسان د ماینونو او ناچاودو توکو په چاودونو کې مړه او یا ټپیان کیږي.
په افغانستان کې د طالبانو حکومت شنبه فبروري لومړۍ ( سلواغې ۱۳) د متحده ایالاتو هغه ادعا وغندله چې ویلي یې دي د افغانستان مرکزي بانک کنګل شوي شتمني یوه برخه ښایي بیرته د امریکا حکومت ته ورکړل شي او خبرداری یې ورکړی چې دا ډول عمل دې ډلې ته "نه منل کیدونکی" دی.
نور پورته کول
