په خېبر پښتونخوا کې د افغان کډوالو په کمپونو کې د یوې غیر دولتي ادارې په مرسته د بې روزګاره او کم عاید لرونکو افغان کډوالو لپاره د څراغونو جوړولو پروژه پیل شوې. د پروژې مسئولین وایي چې په پای کې به د دغه کډوالو سره د خپلې کارخانې په جوړولو کې هم مرسته وشي. شاهین افریدي- امریکا غږ
د بلوچستان په پښتون ميشته سيمه سنځاوۍ کې په سپوږمۍ ښوونځي کې د زده کوونکو د کلنيو نتيجو د اعلان نمانځغونډه کې د افغان کډوالو يو شمېر زده کوونکو که يو پلو خپلې برياوې ونمانځلې بل پلو يې په افغانستان کې د نجونو راتلونکي ته اندېښنې ښکاره کړې. سالمین خپلواک ددغې غونډې له ځینو ګډونوالو سره غږیدلی.
د هند د راجستان ایالت د جیپور ښار په هوا محل کې د مود او فیشن ننداره تر سره شوه چې پکې د کتک لرغونې نڅا هم نندارې ته وړاندې شوه. شلپي بترا د دغې نندارې ویډیو لیږلې چې دلته یې کتلی شئ.
په پېښور کې مېشت یو افغان ځوان نه یوازې د مهاجرت له ګڼو ننګونو سره د مقابلې په ترڅ کې د داخلي ډیزاین په برخه کې لوړې زده کړې کړي، بلکې په پاکستان کې دننه او بهر په مختلفو پروژو هم کار کوي. محمد ارشاد غواړي افغان ځوانانو ته په خپله برخه کې لارښوونه وکړي.
