د کالیفورنیا ایالت په لاس انجلس کې په پراخه اورلګېدنه کې د مړو شمېر ۱۰ ته رسېدلی او په سیمه کې د نظم ساتلو لپاره ددغه ایالت د ملي ګارډ ځواکونه ګومارل شوي دي.
د امريکا په سلګونو پخوانيو پوځيانو او اوسنيو او پخوانيو پوځي او ملکي مقاماتو د امريکا منتخب ولسمشر ډونالډ ټرمپ او د دغه هېواد کانګرس ته يو ليک استولی او د دغه هېواد د کانګرس له غړو څخه یې د افغانانو د لېږد او په امریکا کې د بیا مېشتېدو د پروګرام د دوام غوښتنه کړې ده.
سپینه ماڼۍ وايي چې په ۲۰۲۱ کال کې د جمهوریت له سقوط را وروسته افغانستان ته چې کومې بشري مرستې استول کېږي، ګټه یې د افغانستان خلکو ته رسي نه طالبانو ته.
د متحده ایالاتو منتخب جمهور رئیس ډونالډ ټرمپ د جو بایډن حکومت لخوا د طالبانو تر کنټرول لاندې افغانستان سره یې د "میلیاردو" ډالرو مرستو باندې انتقاد کړی.
اسلام اباد کې د افغانستان سفارت چې طالبانو له خوا اداره کیږي په پاکستان کې د افغان کډوالو د نیولو د تازه لړۍ په پیلیدو اندیښنه ښودلې او ویلي دي چې د افغان کډوالو د نیولو نوې لړۍ د پیل راهیسې تراوسه نږدې ۸۰۰ افغانان په خپلسر ډول د پولیسو له خوا نیول شوي او په جبري ډول خپل هیواد ته ستانه کړای شوي دي.
د "امید د پنجرې غورځنګ" په نوم د افغان میرمنو یو خوځښت د پاکستان په پایتخت اسلام اباد کې د پولیس له خوا د افغان کډوالو د نیولو د بهیر په دوام اندیښنه ښودلې او د ملګرو ملتونوڅخه یې غوښتي چې د افغانانو د ځورولو ددغې لړۍ د بندیدو لپاره دې اقدام وکړي.
د طالبانو د حکومت د بهرنیو چارو وزارت سیاسي معین د افغانستان په تړاو د امریکا د منتخب جمهور رئیس ډونالډ ټرمپ د تیرې ادارې دریځ ستایلې او ویلي دي چې د طالبانو حکومت غواړي چې نوې ادارې ته د دوستۍ لاس وروغځوي او په راتلوونکې کې امریکا متحده ایالاتو سره ښې اړیکې ولري.
د پاکستان صدراعظم شهباز شریف د جنورۍ پر درېيمه په اسلام اباد کې د لوړپوړو ملکي او پوځي چارواکو کمېټې غونډې ته ويلي دي چې په وروستيو کې يې د پولې پورې غاړې څخه شوي بريد ته قوي ځواب ورکړی دی.
د خوړو نړیوال پروګرام (WFP) په افغانستان کې اړمنو افغانانو ته د بشري مرستو د برابرولو لپاره د بودیجې کمښت باندې یو ځل بیا اندیښنه ښودلې او ویلي چې دا پروګرام په ۲۰۲۵ کال کې د خوړو د نه خوندیتوب سره مخ د ۱۴ میلیونو افغانانو له ډلې یوازې اوو میلیونو ته د خوړو مرستې برابرولی شي.
د طالبانو حکومت د ډیورنډ د کرښې له نږدې سیمو څخه د افغانستان دننه نورو سیمو ته د تحریک طالبان پاکستان ټي ټي پي د ډلې د وسیله والو د انتقالولو او بیا مشتیدو لپاره له اسلام ابد څخه د ۳۶ میلیونو ډالرو د بودیجې د غوښتنې په اړه د پاکستان د دفاع وزیر ادعا رد کړې ده.
د امریکا په لویزیانا ایالت کې مقاماتو ویلي، چې د چهارشنبې په ورځ جنورۍ اول (مرغومي ۱۲) یو موټر چلوونکي خپل "پېکاپ" ډوله موټر د نیو اورلېن په ښار کې په سرعت سره د خلکو د یوې ډلې سره ټکر کړی، لږترلږه لس کسان یې ووژل او ۳۰ نور یې ټپیان کړل.
د سره صلیب نړیوالې کمیټې (ICRC) افغانستان کې د ملکي وګړو د مرګ ژوبلې په دوام اندیښنه ښودلې او ویلي دي چې د ۲۰۲۴ کال له پیل څخه تراوسه د ماشومانو په ګډون ۴۵۵ کسان د چاودونو اړوند پیښو کې مړه او ټپیان شوي دي.
نور پورته کول
