په پاکستان کې چارواکي وايي دوو ځانمرګو بریدګرو خپل د چاودېدونکو توکو ډک موټرونه نن سه شنبه مارچ څلورمه (کب۱۴) د پاکستان د پوځ له یو مرکز سره الوځولي دي.
له هغه وروسته چې د متحدو ایالتونو ولسمشر ډونالډ ټرمپ په اوکراین باندې د امریکا مرستې بندې کړې، د اوکراین صدراعظم نن سه شنبه مارچ څلورمه (کب۱۴) وویل چې چمتوي دي له متحد وایالتونو سره «په هر زمان کې» د نادرو منرالونو تړون لاسلیک کړي.
د اسرائیل صدراعظم بنیامین نتنیاهو دوشنبه مارچ درییمه ( کب ۱۳) د حماس ډلې ته خبرداری ورکړ که په غزې کې برمته شوي کسان پرې نږدي، د دې ډلې لپاره به داسې عواقب ولري چې تصور یې نشي کیدی.
په پاکستان کې پولیسو دوشنبه مارچ درییمه ( کب ۱۳) ویلي چې د دې هیواد په جنوب لویدیځ د بلوچستان په ولایت کې یوې میرمنې د نظامیانو د موټرو په کتار په ځانمرګي برید کې د امنیتی ځواکونو یو غړی وژلی دی.
د عربو هېوادونو د بهرنیو چارو وزیرانو له جګړې وروسته د غزې د وضعیت په اړه د مصر په مرکز قاهره کې د تړلو دروازو شاته غونډه وکړه.
د ایران رسنیو خبر ورکړی چې ددغه هېواد د ولسمشر مرستیال جواد ظریف له خپلې دندې استعفا کړې ده.
د یو پاکستاني څیړنیز مرکز د راپور پر اساس د روان ۲۰۲۵ کال د فبرورۍ په میاشت کې په دغه هیواد کې ۷۹ امنیتي بریدونه شوي چې ۷۶ یې افغانستان سره په ګاونډ کې په دوو ایالتونو خیبر پښتونخوا او بلوچستان کې شوي دي.
د ترکيې د کردانو تر ټولو لوی ښار دیاربکر اوسیدونکو د یکشنبې په ورځ، مارچ دویم (کب ۱۲) وویل چې د کردستان کارګر ګوند (پي کې کې) دپریکړې چې د دې ډلې د زنداني مشر د سولې وړاندیز یې منلې او هیله یې ښودلې چې په دې اقدام سره د څو لسیزو شخړه پای ته ورسیږي او سیمې ته سوکالي راشي.
د ایران اسلامي شورا د یکشنبې په ورځ مارچ دویمه (کب۱۱) د دغه هېواد د اقتصاد او مالیې وزیر عبدالناصر همتي د مخ په زیاتېدونکي انفلاسیون او د ایران پولي واحد د ارزښت د کمېدو له کبله سلب اعتماد او له دندې لېرې کړ.
د حماس او اسرائیل ترمنځ د لومړي پړاو اوربند له پای ته رسېدو سره سم اسرائیل د یکشنبې په ورځ، مارچ دویم (کب ۱۲) غزې ته د بشري مرستو رسول وځنډول.
د اسرائیل حکومت ویلي چې په غزې کې د حماس ډلې سره د جګړې بندیدو په خاطر یې د متحده ایالاتو د موقتي اوربند پلان منلی چې له مخې به یې یو شمیر اسرائیلي برمته شوي کسان خوشې شي او د ځینو مړي به ورته وسپارل شي.
د بریتانیې صدراعظم کییر سټارمر په لندن کې شنبه مارچ اوله ( کب ۱۱) د اوکراین جمهور رئیس ولادمیر زیلینسکي ته پداسې حال کې تود ښه راغلاسات ووایه چې یوه ورځ وړاندې په سپینې ماڼۍ کې د متحده ایالاتو د جمهور رئیس او ښاغلي زیلینسکي ملاقات په لفظي شخړې بدل شو.
نور پورته کول
