پاکستاني چارواکي وايي که د هغو افغانانو چې بل هېواد ته د تګ لپاره په پاکستان کې منتظر دي قضیې ژر حل نه شي، وبه شړل شي.
د ملګرو ملتونو د خوړو نړیوال پروګرام (WFP) په افغانستان کې پر خلکو د روانې وچکالۍ او د اقلیم د بدلون د اغیزو په اړه یو ځل بیا اندیښنه ښودلې او ویلي دي چې د وچکالۍ له امله ډیرو کورنیو خپلې مینې پريښي او بهرنیو هیوادونو په کډون یې نورو سیمو ته په ډله ییز ډول کډې کړي دي.
د طالبانو حکومت د صنعت او سوداګرۍ وزارت وايي چې افغانستان په روان لمریز کال کې د منځنۍ اسیا له پنځو هېوادونو څخه د یو میلیارد او ۵۸۴ میلیون ډالرو په ارزښت واردات کړي دي.
د ملګرو ملتونو د بشري مرستو د همغږۍ اداره ( اوچا) وايي چې په افغاسنتان کې لا هم ماینونه او ناچاودې توکي د افغانانو ژوند ګواښوي او هره میاشت په دغه هیواد کې تر ۵۵ پورې کسان د ماینونو او ناچاودو توکو په چاودونو کې مړه او یا ټپیان کیږي.
د طالبانو د حکومت تر کنټرول لاندې د چاپېریال ساتنې د ادارې چارواکي وايي چې د اقلیم بدلون، د ځمکې لاندې اوبو ککړتیا، د شنو سیمو کمښت، خامه سړکونه، بې کیفیته تیلو مصرف او مخ په زیاتیدونکي ډول د زړو موټرو استعمالول د کابل ښار د هوا د ککړتیا سبب ګرځي.
په افغانستان کې د طالبانو حکومت شنبه فبروري لومړۍ ( سلواغې ۱۳) د متحده ایالاتو هغه ادعا وغندله چې ویلي یې دي د افغانستان مرکزي بانک کنګل شوي شتمني یوه برخه ښایي بیرته د امریکا حکومت ته ورکړل شي او خبرداری یې ورکړی چې دا ډول عمل دې ډلې ته "نه منل کیدونکی" دی.
د طالبانو د حکومت د کډوالو او ستنیدونکو چارو وزارت د پاکستان له زندانونو څخه د ۹۱ نورو افغان کډوالو د خوشې کیدو او افغانستان ته د ستنیدو خبر ورکړی دی.
افغانستان د سولې لپاره د امریکا د متحده ایالاتو پخواني ځانګړي استازي زلمي خیلیزاد د طالبانو په ګډون یو شمیر هیوادونو ته چې په خپلو توقیف خونو کې امریکايي بندیان ساتې مشوره ورکړې چې د امریکا د حکومت سره د اړیکو د نوي باب د پرانیستلو لپاره دې امریکايي بندیان خوشې کړي.
د ملګرو ملتونو د خوړو او کرهڼې ادارې (FAO) په افغانستان کې د پستې د ځنګلونو د ساتنې او بیا رغونې د هڅو په اړه په یو راپور کې ویلي چې د یو شمیر نړیوالو ادارو په ملاتړ یې د ۲۰۲۱ کال راهیسې د بادغیس په ولایت کې پر ۳۱۰۰ هکتاره ځمکه باندې د پستې نوي نیالګې کښینولي دي.
د ملګرو ملتونو د بشري مرستو د همغږۍ اداره ( اوچا) وايي چې په افغانستان کې د اوبو په زیرمنو باندې د روانې وچکالۍ د اغیزو له امله اوبو ته د خلکو اړتیا زیاته شوې او اوس مهال په دغه هیواد کې تر ۳۹ فیصدو پورې کورنۍ د څښلو د اوبو د کمښت سره مخ دي.
د ډله ییز امنیت د تړون سازمان عمومي منشي یمان قلي تاسماګامبتوف ویلي چې د افغانستان او تاجیکستان ترمنځ د سرحد په اوږدو کې د امنیت ټینګیدل نه یوازې د دوشنبه لپاره مهم دي، بلکې د ډله ییز امنیت د تړون د سازمان غړو هیوادونو امنیت لپاره هم اهمیت لري.
د پاکستان د بهرنیو چارو وزارت یو ځل بیا په افغانستان کې د امریکا د پوځ پر پاتې شویو پوځي وسایلو او تجهیزاتو باندې اندیښنه ښودلې او ویلي دي چې ددغو پوځي سامان الاتو شتون ددغه هیواد امنیت او خلکو لپاره یو جدي ګواښ دی.
نور پورته کول
