په افغانستان کې حاکمو طالبانو د خپلو مشرانو ترمنځ د نظرونو د اختلاف له کبله د دوی ترمنځ د ویش او جګړې رامنځته کېدو اندېښنې رد کړي دي.
د طالبانو د حکومت د عامې روغتیا وزارت په افغانستان کې د سرطان د ناروغۍ د پیښو د زیاتیدو خبر ورکړی او ویلي دي چې د تیرکال په ترڅ کې په دغه هیواد کې ددغې ناروغۍ ۶۰۰۰ نوې پیښې ثبت شوي دي.
د طالبانو حکومت چین ته د بګرام د هوايي ډګر د سپارلو په اړه خپرو شویو راپورونو ته په غبرګون کې ویلي چې چین سره د دغه هوايي ډګر د سپارلو په برخه کې هیڅ کوم تعامل نلري او دا هوايي ډګر ددغې ډلې له خوا اداره کیږي.
د ملګرو ملتونو د وګړو صندوق (UNFPA) په افغانستان کې روغتیايي خدمتونو ته د ښځو او میندو پر نه لاس رسي باندې یو ځل بیا اندیښنه ښودلې او ویلي دي چې خوندي او موثرو روغتیايي خدمتونو ته د میندو نه لاس رسی هغوی د مړینې او پر ناروغیو د اخته کیدو د ګواښ سره مخ کوي.
پاکستاني چارواکي وايي که د هغو افغانانو چې بل هېواد ته د تګ لپاره په پاکستان کې منتظر دي قضیې ژر حل نه شي، وبه شړل شي.
د ملګرو ملتونو د خوړو نړیوال پروګرام (WFP) په افغانستان کې پر خلکو د روانې وچکالۍ او د اقلیم د بدلون د اغیزو په اړه یو ځل بیا اندیښنه ښودلې او ویلي دي چې د وچکالۍ له امله ډیرو کورنیو خپلې مینې پريښي او بهرنیو هیوادونو په کډون یې نورو سیمو ته په ډله ییز ډول کډې کړي دي.
د طالبانو حکومت د صنعت او سوداګرۍ وزارت وايي چې افغانستان په روان لمریز کال کې د منځنۍ اسیا له پنځو هېوادونو څخه د یو میلیارد او ۵۸۴ میلیون ډالرو په ارزښت واردات کړي دي.
د ملګرو ملتونو د بشري مرستو د همغږۍ اداره ( اوچا) وايي چې په افغاسنتان کې لا هم ماینونه او ناچاودې توکي د افغانانو ژوند ګواښوي او هره میاشت په دغه هیواد کې تر ۵۵ پورې کسان د ماینونو او ناچاودو توکو په چاودونو کې مړه او یا ټپیان کیږي.
د طالبانو د حکومت تر کنټرول لاندې د چاپېریال ساتنې د ادارې چارواکي وايي چې د اقلیم بدلون، د ځمکې لاندې اوبو ککړتیا، د شنو سیمو کمښت، خامه سړکونه، بې کیفیته تیلو مصرف او مخ په زیاتیدونکي ډول د زړو موټرو استعمالول د کابل ښار د هوا د ککړتیا سبب ګرځي.
په افغانستان کې د طالبانو حکومت شنبه فبروري لومړۍ ( سلواغې ۱۳) د متحده ایالاتو هغه ادعا وغندله چې ویلي یې دي د افغانستان مرکزي بانک کنګل شوي شتمني یوه برخه ښایي بیرته د امریکا حکومت ته ورکړل شي او خبرداری یې ورکړی چې دا ډول عمل دې ډلې ته "نه منل کیدونکی" دی.
د طالبانو د حکومت د کډوالو او ستنیدونکو چارو وزارت د پاکستان له زندانونو څخه د ۹۱ نورو افغان کډوالو د خوشې کیدو او افغانستان ته د ستنیدو خبر ورکړی دی.
افغانستان د سولې لپاره د امریکا د متحده ایالاتو پخواني ځانګړي استازي زلمي خیلیزاد د طالبانو په ګډون یو شمیر هیوادونو ته چې په خپلو توقیف خونو کې امریکايي بندیان ساتې مشوره ورکړې چې د امریکا د حکومت سره د اړیکو د نوي باب د پرانیستلو لپاره دې امریکايي بندیان خوشې کړي.
نور پورته کول
