د دې ولایت بهسودو ولسوالۍ قلعه حسین سیمه کې رحمان الله په څه باندې دوه جریبه ځمکه باندې غنم کرلي و، چې اوس يې درمند (تهریشر) کوي.
هغه امریکاغږ ته وویل، چې رسېدلي غنم يې د اورښتونو له امله خراب شوي او ټول وږي يې پوچ شوي دي.
هغه هیله لري، چې کرهڼې ریاست او په دې برخه کې اړونده مرستندویه موسسې يې په وخت لاسنیوی وکړي، اصلاح شوي تخمونه او کیمیاوي سرې ورکړي تر څو راتلوونکي فصلونو ته په پښو ودرېږي.
سږنۍ بې موسمه او ډېرو اورښتونو په ختیځو ولایتونو کې کروندګر سخت تاواني کړي، سیلابونو يې ځمکې وړي او همدا راز يې حاصلات کمزوري شوي دي
