په ننګرهار کې یو شمېر کروندګر وايي، که د مارکیټ مشکل حل شي، نو هر کال به یې فصلونه ښه عاید ولري. د دې ولایت د مرکز جلال اباد ښار کې محمدفاروق چې په شاوخوا یو جریب ځمکه باندې د پالکو کر کړی دی وايي حاصلات يې له غنمو او نورو فصلونو ژر رسېږي او که بازار يې ښه وي نو عواید يې هم لوړ وي.
د لغمان ولایت یو شمېر کروندګر، چې د ژمي لپاره یې په خپلو ځمکو کې تور بانجان کرلي دي، د سبزیو د پلور لپاره د مناسب مارکیټ له نه شتوالي شکایت کوي. دوی وايي، د خرابو بازارونو له امله ویره لري چې کړي لګښتونه به یې هم پوره نه شي.
په ننګرهار کې د نعناع کروندګر د حاصلاتو لپاره د مناسب مارکیټ له نه شتوالي څخه شکایت کوي. کروندګر وایي د نعناع کرکیله ډېره شوې، خو د محصول لپاره مناسب مارکیټ نشته، چې د دوی اقتصادي ستونزې یې زیاتې کړي دي.
د کندهار ولایت یو شمېر کروندګر د کرنیزو خدماتو د نشتون او مارکيټ ته حاصلاتو د انتقال لپاره د امکاناتو له کمښت څخه شکایت کوي. دوی وایي، چې دې ستونزې اړ کړي چې خپل محصولات د مارکیټ پر ځای په ټیټه بیه په پټیو کې وپلوري.
په ننګرهار کې د پنبې کروندګر وايي چې د اوبو د کمښت له امله یې سږ کال نه یوازې حاصلات نیم په نیمه کم شوي، بلکې د پنبې بازارونه هم خراب دي.
په کندز ولایت کې یو شمېر کروندګر وايي چې د مني په موسم کې د پالکو کښتونه کري چې دغه فصل نه یوازې په لږ وخت کې حاصل ورکوي، بلکې د ژمي د ورځنیو لګښتونو په پوره کولو کې هم دوی سره مرسته کوي.
د لغمان ولایت یو کروندګر محمد اسرار هیله من دی چې د شولو فصل به یې ژوند بدل کړي. نوموړي چې په درې جریبه ځمکه کې شولې کرلې دي او اوس مهال د حاصلاتو په راټولولو بوخت دی وايي، که چېرې شولې یې په ښه نرخ وپلورل شي، نو واده به وکړي.
د کندهار ولایت کروندګر بهرنیو مارکېټونو ته د سږني کال د پیازو د حاصلاتو د رسېدو له امله خوښ دي. دوی وایي چې په کور دننه او بهر مارکیټونو کې د پیازو د زیاتې غوښتنې له امله کروندګرو په پراخه کچه د پیازو کرکېلې ته مخه کړې ده.
د بغلان ولایت د خنجان ولسوالۍ د ګزان په سیمه کې د تازه میوو سیمهییز بازار چې د کابل-مزار شریف پر لویه لاره موقعیت لري، دمسافرو او سیمې خلکو لپاره تازه میوو د پلور یوه مهمه مرکز ګڼل کېږي.د میوو پدغه سیمه ییز بازار کې هټیوال وايي،چې د میوو خرڅلاو زیات دی، ځکه پر دغه لار زیات شمېر مسافر تګ راتګ کوي.
کندهارۍ ګندنه د افغانستان په زیاترو ولایتونو کې مشهوره ده او په ګڼو سیمو کې ښه مارکېټ لري. شمس الله د کندهار ولایت یو کروندګر وایي، چې د کندهار تود اقلیم د ګندنې کرکېلې لپاره مناسب دی. هغه زیاته کړه، چې د مني په وروستیو او ژمي میاشتو کې د کندهار ګندنه هغو ولایتونو ته لېږدول کېږي چې هوا یې سړه وي.
د ننګرهار یو شمېر کروندګر د تازه سبزیو لپاره د مارکیټ له نه شتون څخه شکایت کوي او وايي چې ډېر کله کړي لګښتونه هم نه شي پوره کولی.
نور پورته کول
