په ننګرهار کې یو شمېر کروندګر غواړي چې که د یو شمېر نورو ولایتونو د کروندګرو په څېر دوی ته هم د زعفرانو او هینجې ښه تخمونه ورکړل شي، نو کروندګر به له اقتصادي پلوه په ځان بسیا شي او دا بوټي به هم ترویج شي.
په ننګرهار کې د شولو کارخانه (مېل) لرونکي وايي، له پاکستان څخه د وریجو واردولو په کور دننه وریجو پر پلور اغیز کړی دی او د وطنیو وریجو د پلور بازار د تېر کال په پرتله خراب شوی.
په ننګرهار کې د کرمو یو شمېر کروندګر وايي، چې د حاصلاتو د پلور لپاره مناسب بازار نه لري او سربېره پر دې له ګڼ شمېر ستونزو سره هم مخ دي.
په ننګرهار کې یو شمېر کروندګر وايي، کلونه وړاندې يې چې کوکنار کرل نو اقتصاد يې ور سره ښه وو، خو اوس چې د کوکنار کښت بند دی او دوی نورو بدیل کښتونو ته مخه کړې، اقتصاد یې ورسره کمزوری شوی ځکه د بدیلو کښتونو مارکیټونه هغسې ګټور نه دي.
د کندهار ولایت د ارغستان ولسوالۍ اوسیدونکي وایي چې مارکېټ کې د غنمو تقاضا لوړه ده ځکه خو کروندګرو هم د خپلې ګټې لپاره سږکال د غنمو کښت زیات کړی دی.
د بلخ ولایت په بلخ ولسوالۍ کې کروندګر وايي، که څه هم سږ کال د ګلپیانو کښت یو څه مرضونو کړي دي، خو بیا یې هم حاصلات زیات دي او په بازار کې یې د خرڅلاو بیې هم ښې شوې دي. د دغه ولسوالۍ یو کروندګر حفیظ الله وايي، چې سږ کال ګلپیان په بازار کې په ښه بیه خرڅوي او حاصلات یې هم زیات شوي دي.
په کندهار کې مالداران وایي، چې د لبنیاتو د تولیداتو په زیاتېدو سره یې د مارکېټ اړتیاوې تر ډېره بریده پوره کړي او د بهرنیو لبنیاتو واردات یې را کم کړي دي.
په کندهار او جنوب غربي ولایتونو کې د طالبانو د حکومت لخوا د کوکنارو پر کر کیلې له بندیز وروسته، د انځرو ګڼ شمېر نوي باغونه جوړ شوي دي. یو شمېر بڼوال وایي چې د انځرو لوړ قیمت هغوی هڅولي، ترڅو دغه نوي باغونه جوړ کړي.
د ننګرهار د مرکز د غوچکو سیمې یو کروندګر ګل داد، چې په خپله څوارلس جریبه ځمکه یې سرې مولۍ کرلي دي، وايي حاصلات يې اوس په نیمه بیه هم څوک نه اخلي.
په تېرو څو اوونیو کې له کندهار ولایت څخه څه باندې نهه زره ټنه انار بهر ته صادر شوي دي. د کندهار د سوداګرۍ خونې د معلوماتو له مخې، دغه انار د هند، متحده عربي اماراتو، ترکیې او د منځنۍ اسیا هېوادونو بازارونو ته صادر شوي دي.
په ننګرهار کې یو شمېر کروندګر د خپلو محصولاتو لپاره دمناسب بازار له نشتوالي او دزیاتو لګښتونو له امله اندیښمن دي.د جلال اباد ښار د ۸ ناحیې اړوند د قاسم اباد سیمې یو کروندګر،محمد ادریس، وایي چې په یونیم جریب ځمکه یې ګندنه کرلې،خو د پلور لپاره بازار ته وړل شوي محصولات یې ان د لګښتونو جبران هم نه کوي.
په ننګرهار کې یو شمېر کروندګر وايي، د کوکنارو کښت حرام دی او ټولنې ته زیان رسوي، نو ځکه يې نه کري. د جلال اباد ښار اوومې حوزې اړوند غوچکو سیمې اوسېدونکی عصمت الله غمشریک، امریکاغږ ته وویل:”د طالبانو په تېره واکمنۍ کې کوکنار کرل کېدل او ګټه يې هم ډېره وه، خو حرامه وه....
نور پورته کول
