نقیب همت د افغانستان د هوايي ځواکونو په لیکو کې په فاریاب او بدخشان ولایتونو کې قوماندان و، خو اوس د امریکا په مریلنډ ایالت کې د موټرونو د ترمیم ورکشاپ لري.
مشهوره افغانه سندرغاړې دنیا غزل چې په افغانستان کې د طالبانو له بیاواکمن کېدو راهیسې یې وطن پرېښی، وايي هنري ژوند یې ځپل شوی او پدې هیله ده چې یوه ورځ بیرته خپل هېواد ته ستنه شي.
د رواداري بنسټ د طالبانو درې کلنې واکمنۍ پرمهال افغانستان کې بشري وضعیت د اندیښنې وړ بللی او په ځانګړي ډول یې افغان میرمنو او نجونو ژوند پر بیلابیلو برخو باندې ددغې ډلې د تبعیضي سیاست اغیزې ډیرې ناوړه بللي او ویلي دي چې لا هم د ښځو پر وړاندې د طالبانو په سیاست کې هیڅ بدلون او انعطاف نه لیدل کیږي.
پاکستان ته کډواله شوې افغانه عایشه رحیمي له دې کبله ژاړي چې له ښوونځي او زده کړې څخه پاتې شوې ده.
د افغانستان د پخواني حکومت د ملي اردو یوه افسره چې غوښتل یې د پوځ په لیکو کې تر لوړو پوړونو ورسیږي، د طالبانو د بیا واکمن کېدو وروسته کډواله شوې او اوس په پاکستان کې د سړک په غاړه بولاني پلوري.
د طالبانو مشر هبت الله اخندزاده ددغه ډلې د بیاواکمن کېدو د دریمې کلیزې په مناسبت په وینا کې ویلي چې په افغانستان کې د اسلامي شریعت پلي کول د طالبانو "ترمرګه ذمه واري" ده.
پر افغانستان باندې د طالبانو د درې کلنې واکمنۍ د پوره کیدو سره هممهاله د بخښنې نړیوال سازمان دغه هیواد کې د بشري ناورین په اړه په یو راپور کې ویلي چې د طالبانو درې کلنه واکمني او نړیوال تعامل افغانان د ډیرې کمې هیلې سره پریښې دي.
د ننګرهار ولایت کې د طالبانو د اطلاعاتو او فرهنګ ریاست ویلي د تورخم سرحدي لار د درې ورځو بندیدو وروسته د پنجنشبې د ورځې په سهار اګست ۱۵(زمري ۲۵) د هرډول تګ راتګ پرمخ بیرته پرانیستل شوې ده.
ملګرو ملتونو د بشري حقونو شورا کارپوهانو افغانستان کې د طالبانو درې کلنې واکمنۍ پوره کيدو سره هممهاله یوه ګډه اعلامیه کې د ښځو او نجونو پر وړاندې ددغې ډلې توپیري سیستماتیک چلند ته په کتو پرنړیوالې ټولنې غږ کړی چې په دغه هیواد کې دې د حاکمو مقاماتو [طالبانو] او د هغوی رژیم د عادي کیدو څخه ډډه وکړي.
د علینا په نوم افغانه نرښځۍ په پېښور کې د امنیتي، اقتصادي او جنسي تبعیض له ستونزو څخه شکایت لري او وايي که افغانستان ته ولاړه شي د طالبانو له لوري د وژل کېدو له ګواښ سره مخ ده.
پر افغانستان باندې د طالبانو د درې کلنې واکمنۍ د پوره کیدو سره هممهاله ددغه هیواد لپاره د ملګرو ملتونو د ښځو د څانګې مشرې الیسون داویدیان ویلي چې د "افغان میرمنو او نجونو لپاره وحشت پای ته نه دی رسیدلی".
د افغانستان له خبریالانو د ملاتړ سازمان او د افغانستان د خبریالانو مرکز د طالبانو د حکومت د درې کلنې واکمنۍ د ورځې د رسیدلو سره هممهاله په جلا راپورونو کې د افغان خبریالانو او رسنیو وضعیت ارزولی او ویلي دي چې په تیرو دریو کلنو کې هرکال پر خبریالانو او رسنیو باندې محدودیتونه لا زیات شوي دي.
نور پورته کول
