د هند یو ۱۸ کلن ځوان للیت پتیدار، چې د وجود ۹۵ سلنه یې په وېښتو پوښلې، په نړۍ کې د ډېرو وېښتو لرونکي انسان لقب وګټه.
د عوامي نيشنل ګوند مشر او سناتور ايمل ولي خان د پاکستان جمهور رئيس اصف علي زرداري ته يو پرانيستی ليک استولی او ترې یې غوښتي چې په خيبر پښتونخوا او بلوچستان ايالتونو کې د روانې ناامنۍ په اړه دې د پارلمان ګډه غونډه راوبولي.
د حماس ډلې شنبه مارچ اتمه ( کب ۱۸) ویلي چې په غزې کې د اوربند پر سر د خبرو دویم پړاو پیل کیدو لپاره "مثبتې نښې" شته دي.
د ایران روحاني مشر ایات الله علي خامنه یي شنبه مارچ اتمه ( کب ۱۸) د دې هیواد اتومي پروګرام په هکله د متحده ایالاتو د جمهور رئیس ډونالډ ټرمپ د خبرو بلنه رد کړله ځکه د هغه په قول د خبرو هدف په ایران باندې د نورو بندیزونو لګول او د توغندیو پروګرام محدود کول دي.
د یمن د حوثي یاغیانو مشر ویلي که اسرائیل په څلورو ورځو کې غزې ته د مرستې رسونې پر سر بندیز لرې نکړي، دا ډله به د اسرائیلو په خلاف خپل سمندري عملیات بیا پیل کړي.
د ښځو سره د پیوستون د نړیوالې ورځې مارچ اتم سره هممهاله په افغانستان کې د ملګرو ملتونو مرستنیدویه پلاوي دفتر " یوناما" د طالبانو له حکومت په کلکه غوښتي چې هغه بندیزونه دې لرې کړي کوم چې په دغه هیواد کې ښځې او نجونې د خپلو اساسي حقونو څخه محروموي.
د بشري حقونو د څار سازمان د ښځو سره د پیوستون د نړیوالې ورځې مارچ اتم سره هممهاله پر نړیوالې ټولنې غږ کړی چې د طالبانو له خوا د بشري حقونو په ځانګړي ډول د ښځو او نجونو له حقونو څخه د سرغړونو د دوام له امله دې دغه ډله ځواب ویلو ته حاضره کړي.
د ښځو نړيوالې ورځ په تړاو ځینو افغان ښځو د پاکستان پر حکومت غږ کړی چې په دغه هېواد کې میشت افغان کډوالو سره دې د نړیوالو بشري حقونو له مخې چلند وکړي او بېځایه دې یې نه ځوروي.
د اسلامي همکارۍ سازمان غړیو هیوادونو جمعه مارچ اوومه ( کب ۱۷) د غزې تړانګې د بیا رغونې لپاره چې د حماس – اسرائیل تر منځ په جګړې کې تقریباً په بشپړه توګه ویجاړه شویده یوه طرحه منظوره کړله.
د پاکستان حکومت جمعه مارچ اوومه ( کب ۱۷) پدې هیواد کې ټولو افغان کډوالو ته چې د اوسیدو قانوني اسناد لري، خبرداری ورکړی که د روانې مارچ میاشتې تر ۳۱ مې افغانستان ته ستانه نشي، د شړل کیدو خطر سره به مخ شي.
ملګرو ملتونو په افغانستان کې اړمنو افغانانو ته د بشري مرستو د برابرولو لپاره د بودیجې د کمښت د منفي اغیزو په اړه خبرداری ورکړی او ویلي دي چې دا هیواد د سوډان وروسته په نړۍ کې دوېیم هیواد دی چې نیمايي وګړي یې بشري مرستو ته اړتیا لری.
د ملګرو ملتونو عمومي منشي انتونیو ګوتیرش د افغانستان د امنیتي او بشري وضعیت په اړه په یو راپوړ کې ویلي چې د تیر ۲۰۲۴ کال د نومبر د میاشتې د پیل څخه د ۲۰۲۵ کال د جنورۍ د میاشتې ترپایه په دغه هیواد کې په امنیتي پیښو کې لږ تر لږه ۸۱ ملکي وګړي وژل شوي دي.
نور پورته کول
