د یمن د حوثي یاغیانو مشر ویلي که اسرائیل په څلورو ورځو کې غزې ته د مرستې رسونې پر سر بندیز لرې نکړي، دا ډله به د اسرائیلو په خلاف خپل سمندري عملیات بیا پیل کړي.
د ښځو سره د پیوستون د نړیوالې ورځې مارچ اتم سره هممهاله په افغانستان کې د ملګرو ملتونو مرستنیدویه پلاوي دفتر " یوناما" د طالبانو له حکومت په کلکه غوښتي چې هغه بندیزونه دې لرې کړي کوم چې په دغه هیواد کې ښځې او نجونې د خپلو اساسي حقونو څخه محروموي.
د بشري حقونو د څار سازمان د ښځو سره د پیوستون د نړیوالې ورځې مارچ اتم سره هممهاله پر نړیوالې ټولنې غږ کړی چې د طالبانو له خوا د بشري حقونو په ځانګړي ډول د ښځو او نجونو له حقونو څخه د سرغړونو د دوام له امله دې دغه ډله ځواب ویلو ته حاضره کړي.
د ښځو نړيوالې ورځ په تړاو ځینو افغان ښځو د پاکستان پر حکومت غږ کړی چې په دغه هېواد کې میشت افغان کډوالو سره دې د نړیوالو بشري حقونو له مخې چلند وکړي او بېځایه دې یې نه ځوروي.
د اسلامي همکارۍ سازمان غړیو هیوادونو جمعه مارچ اوومه ( کب ۱۷) د غزې تړانګې د بیا رغونې لپاره چې د حماس – اسرائیل تر منځ په جګړې کې تقریباً په بشپړه توګه ویجاړه شویده یوه طرحه منظوره کړله.
د پاکستان حکومت جمعه مارچ اوومه ( کب ۱۷) پدې هیواد کې ټولو افغان کډوالو ته چې د اوسیدو قانوني اسناد لري، خبرداری ورکړی که د روانې مارچ میاشتې تر ۳۱ مې افغانستان ته ستانه نشي، د شړل کیدو خطر سره به مخ شي.
ملګرو ملتونو په افغانستان کې اړمنو افغانانو ته د بشري مرستو د برابرولو لپاره د بودیجې د کمښت د منفي اغیزو په اړه خبرداری ورکړی او ویلي دي چې دا هیواد د سوډان وروسته په نړۍ کې دوېیم هیواد دی چې نیمايي وګړي یې بشري مرستو ته اړتیا لری.
د ملګرو ملتونو عمومي منشي انتونیو ګوتیرش د افغانستان د امنیتي او بشري وضعیت په اړه په یو راپوړ کې ویلي چې د تیر ۲۰۲۴ کال د نومبر د میاشتې د پیل څخه د ۲۰۲۵ کال د جنورۍ د میاشتې ترپایه په دغه هیواد کې په امنیتي پیښو کې لږ تر لږه ۸۱ ملکي وګړي وژل شوي دي.
د پاکستان د بهرنیو چارو وزارت د طالبانو تر واک لاندې افغانستان کې د امریکايي وسلو او تجهیزاتو په شتون باندې یو ځل بیا اندیښنه ښودلې او ویلي دي چې د امریکا د متحده ایالاتو د هرې هغې هڅې څخه چې ددغو وسلو د بیرته ترلاسه کولو لپاره یې ترسره کوي ملاتړ کوي.
د نړيوال وجهي صندوق (ای ام اف) یو نهه کسیزه پلاوی دا مهال پاکستان ته په لس ورځني سفر دی چې دغه هېواد ته د اوه میلیارده ډالرو پور ورکولو جاج واخلي.
د متحدو ایالتونو د بهرنیو چارو وزارت د پنجشنبې په ورځ مارچ شپږمه (کب۱۶) د یرغمل شویو او ناحقه نیول شویو لپاره د بیرغ پورته کولو مراسم ترسره کړل او په بهر کې د امریکا د نیول شویو اتباعو او دایمي اقامه لرونکو د خوشې کولو لپاره یې د امریکا د حکومت په ژمنې بیا ټېنګار وکړ.
د تاجیکستان حکومت د ملي هویت د ساتلو په هڅه کې په دغه هېواد کې ښځو ته سپارښتنه کړې چې تر ډیره تاجکي جامې واغوندي او د غربي جامو او یا د اسلامي طرز له حجابه ډډه وکړي.
نور پورته کول
