د تاجیکستان حکومت د ملي هویت د ساتلو په هڅه کې په دغه هېواد کې ښځو ته سپارښتنه کړې چې تر ډیره تاجکي جامې واغوندي او د غربي جامو او یا د اسلامي طرز له حجابه ډډه وکړي.
پیلوټان، د هوايي چلند اجرائیوي رئیسان او وکیلان وایي، پداسې حال کې چې زیات شمیر الوتکو د نړیوالو پروازونو په ترڅ کې د افغانستان له فضا څخه تیریدو ته مخه کړې، هوايي شرکتونه افغان مقاماتو ته د تادیاتو لپاره د دریمې شبکې څخه کار اخلي چې پدې توګه قانوني لانجې او د پیسو مینځلو خطر رامنځته کوي.
د ملګرو ملتونو د ښځو ادارې په خپل تازه راپور کې ویلي چې د نړۍ په څلورمه برخه هېوادونو کې د ښځو حقونه زیانمن شوي دي.
د طالبانو حکومت د کډوالو او ستنیدونکو چارو وزارت وايي چې ددغه وزارت سرپرست په کابل کې د ایران او پاکستان د لوړپوړو دپلوماتونو سره په جلا کتنو کې له دغو هیوادونو افغانستان ته د افغان کډوالو د ستنولوپر پروګرامونو د بیا کتنې غوښتنه کړې او ویلي دي چې په جبري ډول د افغان کډوالو د ستنیدو څخه دې ډډه وکړي.
د بخښنې نړیوال سازمان په افغانستان کې د طالبانو له خوا د تعلیم د برخې د یو فعال وزیر خان د نیولو خبر ورکړی او ددغې ډلې څخه یې ژر ترژره د هغه د خوشې کیدو غوښتنه کړې ده.
د کابل د ۲۰۲۱ کال کې د هوايي ډګر مخې ته د داعش د ځانمرګي برید یو عامل د چهارشنبې په ورځ مارچ پنځمه (کب۱۵) د متحدو ایالتونو د ویرجینیا د الګساندریه په ښار کې محکمې ته وړاندې کړل شو.
د متحدو ایالتونو ولسمشر ډونالډ ټرمپ د چهارشنبې په ورځ مارچ پنځمه (کب۱۵) د حماس ډلې ته خبرداری ورکړ که پاتې یرغمل پرېنږدي او مړي یې انتقال نه کړي، له دردناکو عواقبو سره به مخامخ شي.
د مارچ پر څلورمه (د کب ۱۴) د سه شنبې ورځ ناوخته د خیبر پښتونخوا په جنوبي ښار بنو کې د تحریک طالبان پاکستان وسله والو پر یوې پوځي چاوڼۍ غبرګ ځانمرګي بریدونه وکړل چې د چارواکو په وینا پنځه عسکر او ۱۳ ولسي وګړي په کې ووژل شول او تر ۳۰ ډېر نور یې ژوبل کړل.
د بریتانیا صدراعظم کییر سټارمر د چهارشنبې په ورځ مارچ پنځمه (کب۱۵) د خپلو هغو سرتېرو سرښندنې او مېړانه وستایله، چې د ایتلافي ځواکونو سره یو ځای په افغانستان او عراق کې جنګېدلي او یا وژل شوي دي.
د پاکستان په خیبرپښتونخوا او بلوچستان ایالتونو کې په تیرو ۲۴ ساعتونو کې په دریو امنیتي پیښو کې د ملکي وګړو، سرتیرو او تندلارو په ګډون لږ تر لږه ۳۸ کسان وژل شوي او ۴۷ نور ټپیان شوي دي.
د طالبانو د حکومت د کورنیو چارو وزارت ویلي چې د افغانستان په شمال کې د تاجیکستان سرحد سره نږدې د تخارد ولایت په مرکز د تالقانو په ښار کې یې ۶۲۹۹ کیلو ګرامه اپین چې د مایع ګاز په یو ټانکر کې ځای پرځای شوي وو کشف او ضبط کړي دي.
د روغتیا نړیوال سازمان (WHO) په افغانستان کې د تنفسي ناروغیو له امله د مړو شویو کسانو د شمیر د زیاتیدو خبر ورکړی او ویلي دي چې یوازې د ۲۰۲۵ کال د جنورۍ په میاشت کې په دغه هیواد کې پر دغې ناروغۍ تر ۵۰۶ تنو پورې ناروغانو خپل ژوند له لاسه ور کړی دی.
نور پورته کول
