د پاکستان په کراچۍ ښار کې د اکتوبر پر ۲۰ (تلې ۲۹) د مطبوعاتي کلب مخې ته د جبري لادرکيو خلاف د بلوڅ پيوستون کمېټې د احتجاج پر مهال پوليسو د دغې کمېټې يوشمېر غړي نيولي دي.
د بلوچستان ايالت عالي محکمې د يوې کورنۍ هغه پنځه افغان کډوال د اکتوبر پر ۱۷ (تلې ۲۶) خوشې کړي دي چې د سپټمبر پر درېيمه (وږي ۱۳) له افغانستانه تر وراوښتلو سمدستي وروسته د پاکستان د تحقيقاتو فيډرالي ادارې په چمن ښار کې نيولي وو او بيا يې زنداني کړي وو.
د پاکستان په پلازمېنه اسلام اباد کې د روغتيا په ملي اداره کې د پوليو ځانګړي لابراتوار د اکتوبر پر ۱۹ (تلې ۲۸) د دوو نورو ماشومانو په وينه کې د پوليو ويروس تائید کړی دی، چې ورسره په دغه هیواد کې د پولیو د مثبتو پیښو شمیر په روان ۲۰۲۴ کال کې ۳۹ ته رسېدلی دی.
د بلوچستان په پښتون میشته سيمه دوکۍ کې د ډبرو د سکرو په کانونو کې د ۲۱ مزدورانو د وژنې پرضد احتجاجي لاريون او غونډه شوې ده.
د پاکستان په پلازمېنه اسلام اباد کې د روغتيا په ملي اداره کې د پوليو ځانګړي لابراتوار د څلورو ماشومانو په وينه کې د پوليو ويروس تصديق کړی دی، ورسره په دغه هیواد کې د پولیو د مثبتو پیښو شمیر په روان ۲۰۲۴ کال کې تراوسه ۳۷ ته رسیدلی دی.
د پاکستان د شخړو او امنیتي مطالعاتو ادارې په خپل تازه راپور کې ويلي چې په دغه هېواد کې د روان ۲۰۲۴ کال په سپټمبر مياشت کې په شويو وسله والو بريدونو کې ۷۷ کسان وژل شوي دي.
د پاکستان د پنجاب ايالت د ګجرات ولسوالۍ د انتظامۍ ( ادارې) مشر (ډپټي کميشنر) صفدر حسين ويرک پر امر د پښتون ژغورنې غورځنګ (پي ټي اېم) د مخکښ مشر او د پاکستان په ملي پارلمان کې د جنوبي وزیرستان د پخواني استازي علي وزير د بند موده د اکتوبر تر ۲۸ (لړم ۷) پورې غځول شوې ده.
د افغانستان او پاکستان ترمنځ د تورخم سرحدي لار چې د کوکيخېلود قوم له خوا د اعتراض په توګه د ۷۵ ورځو راهیسې د خیبرپښتونخوا ایالت د جمرود په بيګياړي کې بنده شوې وه د قبایلي مشرانو او ددغه ایالت د چارواکو ترمنځ د خبرو وروسته تیره ورځ بیرته پرانیستل شوې ده.
د پښتون ژغورنې غورځنګ (پي ټي اېم) مشر منظور احمد پښتين ويلي چې د اکتوبر پر ۲۰ (تلې ۲۹) به د پاکستان په خيبر پښتونخوا ايالت او د بلوچستان ايالت په پښتون مېشتو سيمو کې د امن لپاره احتجاجونه کوي.
د پاکستان د پولیو مخنیوي اداره وايي چې د اکتوبر پر ۱۴(تله ۲۳) د دغه هېواد د بلوچستان ايالت په کوټه ښار کې د يو ماشوم په وينه کې د پوليو ويروس تصديق شوی دی.
د خيبر پښتونخوا ايالت د خيبر ولسوالۍ په رېګي للمه سيمه کې د پښتون ژغورنې غورځنګ (پي ټي اېم) په نوښت د پښتنو قامي جرګه یا عدالت د اکتوبر پر ۱۳ (تله ۲۲) شپې مهال د پرېکړه ليک په وړاندې کولو سره پای ته ورسېده.
د پاکستان د پنجاب ايالت پوليس وايي چې د رحیم یار خان ولسوالۍ په کچه سیمه کې يې د استخباراتي معلوماتو پر اساس عملیات کړي چې په ترڅ کې یې ۶۳ "خطرناک" جنايتکاران وژلي او ۴۵ نور يې ژوبل کړي دي.
د پاکستان په پنجاب ايالت کې پوليسو د اکتوبر پر ۱۳ (تله ۲۲) تر هغه وروسته د پاکستان تحريک انصاف (پي ټي ای) لسګونه پلويان نيولي چې ياد ګوند په پلازمېنه اسلام اباد کې د شانګهای همکارۍ سازمان د سرمشريزې پر مهال د احتجاج اعلان کړی وو.
د کراچۍ انتظامي مشر (کميشنر) سید حسن نقوي د امنیتي اندېښنو له امله په دغه ښار کې د پاکستان د جنايي قانون ۱۴۴مه ماده عملي کړې ده چې له مخې یې د پنځو یا تر پنځو د زیاتو کسانو پر ورغونډېدو، جلسو او لاریونونو، د وسلې پر ګرځولو او د موټرسایکل پر غبرګې سپرلۍ بنديز لګیدلی دی.
له راپورونو سره سم په اسلام اباد کې د شانګهای همکارۍ سازمان د حکومتونو د مشرانو په راروانه غونډه کې افغانستان ته د ګډون بلنه نه ده ورکړل شوې.
د پښتون ژغورنې غورځنګ (پي ټي اېم) مشر منظور پښتين د "پښتون قامي عدالت" د جرګې په پیلیدو کې د جمعې د ورځې د پیښ شوي ځنډ له امله د دغې جرګې له ګډونوالو بخښنه غوښتې او ويلي دي چې دا جرګه به نن د شنبې په ورځ اکتوبر ۱۲ ( تلې ۲۱) د غرمې وړانډې په لسو بجو خپلې غونډې پیل کړي.
پاکستان تحريک انصاف (پي ټي ای) د اکتوبر پر ۱۵ (تله ۲۴) د شانګهای همکارۍ سازمان د سرمشريزې پر لومړۍ ورځ په اسلام اباد کې د احتجاج اعلان کړی دی.
د سعودي عربستان د پانگونې وزیر خالد بن عبدالعزیز الفالح په مشرۍ د سعودي عربستان یو لوړ پوړی پلاوی د اکتوبر پر نهمه (تله ۱۸) د پاکستان په درې ورځني سفر اسلام اباد ته رسېدلی چې موخه یې د دوه ميليارده ډالرو د سوداګرۍ او پانګونې وړاندیزونه حتمي کول دي.
د خيبر پښتونخوا د خيبر قبايلي سيمې انتظامي مشرپه دغه ولسوالۍ کې له نن ( اکتوبر ۹) څخه د نومبر تر۷، د ۲۹ ورځو لپاره د پاکستان د جنايي قانون د ۱۴۴ مادې عملي کیدل اعلان کړي چې له مخې یې د پنځو یا تر پنځو څخه د زیاتو کسانو پرغونډېدو، د وسلې پر ګرځولو او د موټرسایکل پر غبرګې سپرلۍ بنديز لګیدی دی.
د پاکستان د پولیو مخنیوي اداره وايي چې د اکتوبر پراتمه نېټه (تله ۱۷) د دغه هېواد په خيبر پښتونخوا ايالت کې يو او په سيند ايالت کې درې نور ماشومان پوليو يا ګوزڼ وهلي دي چې ورسره په دغه هیواد کې په روان ۲۰۲۴ کال کې د پوليو د مثبتو پېښو شمېر ۳۲ ته رسېدلی دی.
نور پورته کول
