جرمني وایي د امریکا له متحده ایالاتو څخه د سمندري ګزمو لپاره د ۱.۳۱ میلیارډ ډالرو په ارزښت بوینګ الوتکې اخلي.
د جرمني د دفاع وزارت د چهارشنبې په ورځ جون ۳۰ (چنګاښ ۹) وویل چې د سمندري څارنو لپاره په ۱.۳۱ میلیارډ ډالرو پنځه بوینګ P-8A الوتکې پیري.
د رویترز اژانس ویلي چې د جرمني د پارلمان د بودجې کمیټې دغه معامله تصویب کړې ده.
ددغو الوتکو د اخیستلو تړون به واشنګټن ته د جرمني د دفاع وزیرې انګریت کرامپ کارنباور په سفر کې د امریکا د دفاع وزیر سره لاس لیک شي.
د جرمني د دفاع وزارت ویلي چې « د ۱.۱ میلیارډ یورو په ارزښت دغه پیرودنه به د اوږد واټڼ سمندري اکتشافاتو او اوبتلونو د تعقیب کولو وړتیا او عاجله اړتیا رفع کړي.»
دغه الوتکې به د جرمني د زاړو شویو لاک هیډ P-3C ښکاري الوتکو ځای ونیسي.