په جرمني کې چارواکي وايي دوه افغانان یې د سویډن د پارلمان په ودانۍ باندې د برید د توطیې جوړولو په شک نیولي دي.
د جرمني څارنوالانو د سه شنبې په ورځ مارچ ۱۹ (کب ۲۹) په یوې اعلامیې کې وویل چې دا کسان مختصر ابراهیم او رامین نومېږي.
وایي دواړو له داعش سره اړیکې لرلې.
د څارنوالانو د بیانیې په اساس نیول شوي کسان په ۲۰۲۳ کې د داعش له خراسان ډلې سره یو ځای شول او ۲۰۰۰ یورو مرستې یې هم دغې ډلې ته ټولې کړې وې.
د سویډن په پارلمان باندې د دغو کسانو د برید انګیزه او علت په هغه هېواد کې د قران سوځول ښودل شوي دي.
تېرکال په ډنمارک او سویډن کې ځینو کسانو د قران ځینې نسخې وسوځولې چې دې کار په مسلمانو هېوادونو کې سخته غوصه وپاروله.
په عراق او لبنان کې د سویډن په سفارتونو بریدونه وشول او مقاماتو په کور دننه د ګواښونو د مخنیوي لپاره د کلکو امنیتي تدابېرو د نیولو خبر ورکړ.
فورم \ دبحث خونه