دا پداسې حال کې دی چې په بلخ کې د کوکنارو په کرکېله د بندیز وروسته، په دغه ولایت کې د لمرګلي کر زیات شوی، خو کروندګر سږ کال له حاصلاتو خوښ نه دي. محمدزیب، چې اوس د خپلو لمرګليو د حاصلاتو په راټولو بوخت دی، امریکاغږ ته وویل، چې پروسږکال یې له یو جریب ځمکې تر ۵۰۰ کیلوګرامه زړي ترلاسه کړي وو او د حاصلاتو بیې هم په بازار کې ښې وې، خو سږ کال، د حاصلاتو د کمښت تر څنګ، بیې هم ټیټې شوې دي.
محمدزیب زیاتوي چې د لمرګلي پر کښت یې دوا پاشي کړې وه، خو بیا هم د نباتي مرض له امله نیم کښت یې زیانمن شوی دی.
