په کندهار کې یو شمېر کروندګر د کوکنارو پر کښت له بندیز وروسته د سبزیو د ترویج په هڅه کې دي. د بلال احمد په نوم ددغه ولایت یو تن کروندګر چې په خپله ځمکه کې یې کریړې (تریخ کدو) کرلي، وايي چې د دې محصول له حاصل څخه خوشحاله دی.
د کندهار ولایت د انګورو بڼوال او د تازه میوو سوداګر وایي، چې د دوی د انګورو د صادراتو پر وړاندې پاکستاني اړخ یو ځل بیا خپلې دروازی تړلي دي چې له دې کبله بڼوال د سختو تاوانونو او ننګونو سره مخ دي.
د کندهار ولایت یو شمېر کروندګر وایي چې د دوی کرنیز محصولات په خورا ټیټه بیه پلورل کیږي او د مارکیټ نشتون یې لویه ستونزه ده. محمد ولي، چې د ارغنداب ولسوالۍ اوسېدونکی دی، وايي چې اوس یې ټوله تکیه پر کورني مارکیټ ده، خو په خبره یې، کرنیز محصولات یې په ټیټه بیه پلورل کېږي.
د کندهار د میوند ولسوالۍ یو کروندګر وایي، که څه هم سږ کال اوبه زیاتې وې، خو د ږلیو او خراب موسم له امله یې د غنمو حاصلاتو ته زیان اوښتی دی.
نعناع او ځيني نور سبزي چې د خوراک تر څنګ په طبابت کې هم ورڅخه ګټه اخیستل کیږي، پدې وروستیو کې یې کښت د کندهار او هلمند په ولایتونو کې زیات شوی دی. په کندهار کې د نعناع یو کروندګر وحیدالله وایي، د ژمي په موسم کې له خپلو حاصلاتو ځکه ښه ګټه اخلي چې په ګاونډیو ولایتونو کې پلورل کیږي.
په کندهار کې یو شمېر بزګران د اوبو له کموالي څخه شکایت کوي او وايي چې د کرنې لپاره په کافي اندازه د اوبو اساسي او دایمي سرچینې نه لري. دوی زیاتوي چې اوس هم د باراني اوبو پر تکیه، کرکیله کوي، خو دا اوبه د دوی د اړتیاوو لپاره بسنه نه کوي او د ژورو څاه ګانو د کیندلو وس هم نه لري.
په کندهار کې کروندګر وایي سږ کال یې حاصلاتو تر نورو کلونو ښه وده کړې ده، خو بیا هم اندېښنه لري چې د حاصلاتو له لپاره یې ښه مارکېټ نشته، ترڅو حاصلات په لوړه بیه وپلوري.
په جنوب کې د پوليو پر وړاندې د مبارزې ځينې سرچينې وايي، چې د پوليو (ګوزڼ) دوه نوې پېښې د کندهار په لویه ویاله او د هلمند په نهر سراج ولسوالۍ کې ثبت شوې دي.
په کندهار کې د کوکنارو یو تن پخوانی کروندګر چې اوس یې پر خپلو پټیو کې د خټکيو پالیزونه کرلي دي، وایې چې کښت یې د نباتي افاتو له کبله سخت زیانمن شوی دی.
روغتیاپالان وايي چې د اوړي په موسم کې په کندهار کې هوا ګرمه وي او ماشومان په ویالو او ډنډونو کې لامبو وهي، چې دا به د پولیو (ګوزڼ) د خپریدو لامل شي.
په کندهار کې کروندګر وایي، ځمکني توتان چې د کوکنارو یو له ښو بدیلو کښتونو څخه شمېرل کېږي او دوی یې په کرلو کې ښه تجربه تر لاسه کړې، خو سږ کال یې د نباتي افاتو له كبله د حاصلاتو کچه ډېره ټیټه شوې ده.
په کندهار کې ځینې کروند ګر وایي چې حاصلات یې په ټېټه بیه پلورل کيږي او خپل کړی لګښت هم نشي پوره کولی. نثاراحمد چې په خپله کرونده کې یې تور بانجان کرلي دي، وایې چې حاصلاتو یي ښه نتیجه ورکړې ده، خو نوموړی د مارکېټ له نشتوالي څخه شکایت کوي.
په کندهار کې د تازه میوو موسم پیل شوی او د نورو کلونو په پرتله د میوو حاصلات د کیفیت او کمیت له اړخه هم ښه دي، خو بڼوال او د میوو کاروباریان بیا میوو ته د بازار له نشتون څخه شکایت کوي.
په کندهار کې اوسمهال د هغو نویو باغونو حاصلات مارکېټ ته راوتلي دي، چې درې او یا څلور کاله مخکې جوړ شوي وو.
د کندهار ولایت میوند ولسوالۍ چې د کوکنارو د کرکېلې له اړخه په وروستیو څو لسیزو کې مشهوره وه، اوسمهال د کوکنارو پرځای، د خیریه مؤسسو له خوا د بادامو د باغدارۍ د ترویج هڅې په کې زیاتې شوي دي.
په کندهار کې بڼوال که څه هم سږ کال د انارو ښو حاصلاتو ته هیله من دي، خو په ورته وخت کې د بازارموندلو په اړه لږ اندیښمن دي.
د خولفې په نوم سبزي چې په اصل کې په طبعي ډول په عامو کروندو او ځمکو کې پیدا کېږي، اوسمهال په کندهار او شاوخوا ولایتونو کې د کروندګرو له خوا د نورو سبزیو په ډول کرل کېږي
په کندهار کې کروندګر وایې چې د سړو خونو د نشتوالي له امله خپل کرنیز حاصلات نشي ذخیره کولی، ځکه خو اړ دي چې په ټيټه بیه یې وپلوري. نثاراحمد چې پر خپلې ځمکې یې د جوارو کښت کړی دی وایي، چې اوس کروندګر د داسي تخمونو د کرلو په فکر کې دي چې سړو خونو ته اړتیا ونلري او ذخیره کول یې ورته اسانه وي.
په کندهار کې کروندګر د سبزیو له حاصلاتو خوښ دي او وایي د ځېنو نورو غله دانو په پرتله د سبزیو حاصلات ښې پیسې جوړوي.
په کندهار کې یو شمېر کروندګر د خپلو ځمکو د غنمو له ګټې څخه خوښ ندي او وایي هغه تمه یې چې د غنمو عوایدو ته درلوده تر لاسه نشوه.
نور پورته کول
