د جمعه ګل په نوم ددغه ولایت یو تن بڼوال وایي، د سرو او تورو الوچو سیزن دی، خو د پاکستان لارې د دوی محصولاتو په وړاندې بندې دي او د نورو لارو بیا مالیې لوړ دي چې په اصل کې ټول تاوان یې افغان بزګرو او بڼوالو ته رسېږي.
بلخوا د تازه میوو پانګه وال وایي چې محصولات یې په تېټه بیه پلورل کیږي او حتا دوی خپل لګښت نشې پرې پوره کولای.
د دوی په وینا، د افغانستان د میوو د سیزن په وخت کې تل د ګاونډیو هیوادونو له خوا لارې بندیږي او ستونزې ورته جوړیږي. که څه هم د طالبانو د حکومت مسوولین وایي چې وخت په وخت یې د افغان سوداګرو د ستونزو د حل په موخه هڅې کړي دي.
کندهار د تود اقلیم په لرلو، د میوو زیات حاصلات لري چې د هیواد دننه اړتیا یې پوره کړې او همدارنګه هر کال په زیانه اندازه بهرنیو هیوادونو ته هم صادریږي.