په سعودي عربستان کې په شدیده ګرمۍ کې د حج په مراسمو کې د مړو شمېر د پنجشنبې په ورځ جون ۲۰ (غبرګولي ۳۱) له ۱۰۰۰ تنو واوښت چې نیمايي یې هغه زیارت کوونکي ښودل شوي چې راجستر شوي ندي.
په مړو شویو حج کوونکو کې د لسو هېوادونو اتباع شامل دي. یو عرب دپلومات د پنجشنبې په ورځ وویل چې غیر راجستر شویو مړو کې زیاتره د مصر وګړي دي.
سږ کال د نړۍ له شاوخوا څخه ۱.۸ میلیون مسلمانان په داسې حال کې حج ته تللي چې په سعودي عربستان کې د ګرمۍ شدت ډیر زیات شوی دی.
هر کال په لسګونو زره کسان د پیسو سپمولو لپاره پرته له دې چې خپل نوم راجستر کړي، حج ته ځي. د سعودي چارواکو په مکه کې د لسګونو زره غیر راجستر شویو زیارت کوونکو د نیولو خبر ورکړی خو داسې ښکاري چې له دې سره سره، په مراسمو کې په لوی شمېر داسې زیارت کوونکو ګډون کړی چې راجستر شوي ندي.
دا مطلب هم ولولئ لسګونه زره کسان د 'ارزانه حج' لپاره په پټه عربستان ته تلليدا کسان د ګرمۍ په وړاندې له دې کبله ډیر زیان منونکي ښودل کیږي چې د قانوني اسنادو لرلو پرته نشي کولای د حاجیانو لپاره جوړو شویو ایرکنډیشن لرونکو تمځایونو ته ننوځي.
یو عرب دپلومات فرانس پرس ته وویل: "خلک د عرفات له ورځې وړاندې د امنیتي ځواکونو له لورې په مخه شوي وو او له همدې کبله ډیر ستړي شوي وو."
دغه دپلومات وویل چې د مصري زیارت کوونکو ترمنځ د مړینې د لوړې کچې لامل شدیده ګرمه وه چې حاجیانو ته یې د وینې فشار او نورې روغتیايي ستونزې پیدا کړي دي.
دا مطلب هم ولولئ ټیل ماټیل، اورلګېدنې او بریدونه؛ په حج کې د خونړيو پېښو لنډ تاریخپه مړو شویو حاجیانو کې د پاکستان او اندونیزیا اتباع هم شامل دي.
د پنجشنبې په ورځ چارواکو وویل چې سږکال حج ته د تللو ۱۵۰ زره پاکستانیانو له جملې څخه ۵۸ یې مړه شوي دي.
له اندونیزیا څخه سږکال ۲۴۰ زره کسان حج ته تللي. ددغه هېواد د مذهبي چارو وزارت ویلي چې د حج په ترڅ کې د مړو شویو اندونیزیايي وګړو شمېر ۱۸۳ ته لوړ شوی دی.
مالیزیا، هند، اردن، ایران، سنیګال، تونس، سودان او عراق کې د کردستان سیمې د حاجیانو د مړینې راپور ورکړی خو د مړینې د لاملونو په اړه یې څه ندي ویلي.
سعودي عربستان د مړو شویو حاجیانو رسمي شمېر ندی خپور کړی خو ویلي یې دي چې یوزاې د یکشنبې په ورځ نږدې ۲۷۰۰ زیارت کوونکي ګرمۍ وهلي دي.
تېر کال مختلفو هېوادونو د حج پر مهال د مړو شویو زیارت کوونکو شمېر ۳۰۰ ښودلی و چې زیاتره یې د اندونیزیا وګړي وو.