د پرتګال د ملي لوبډلې لوبغاړي او نړیوال ستوري کرېستیانو رونالډو د فوټبال په سیالیو کې ۹۰۰ ګولونو پوره کړل.
رونالډو د پنجشنبې په ورځ سپتمبر پنځمه (سنبله۱۵) د اروپا د فوټبال د اتلولۍ په سیالیو کې د کروشیا په مقابل لوبې کې خپل ۹۰۰م ګول وواهه. پرتګال کروشیا ته ۲-۱ ماتې ورکړه.
رونالډو د خپل ژوند دا تاریخي ګول د لیزبن د دالوز په لوبغالي کې وواهه، د لوبې په ۳۴مه دقیقه کې نونو مندز رونالډو ته توپ پاس کړ او هغه ګول کړ.
رونالډو کله چې د خپل ژوند ۹۰۰م ګول وهل نمانځل، احساساتي برېښېده. رونالډو د خپلې ملي لوبډلې پرتګال لپاره ۱۳۱ ګولونه کړي او پاتې نور یې د خپلو ګلبونو لپاره وهلي دي، چې اکثریت یې د ریالډ مادرید لپاره دي.
هغه د سپورتنګ لیزبن، منجستر یونایتډ او د النصر لوبډلو ته لوبې کړې او اوس هم د سعودي عربستان د النصر په کلب کې لوبېږي.
رونالډو پنځه ځلې د فوټبال د طلايي توپ جایزه ګټلې ده او د ارجنټاین د نړیوال ستوري لیونل میسي څخه ۴۱ ګولونه مخکې دی. لیونل میسي تر دې دمه ۸۵۹ ګولونه وهلي دي. د برازیل پخواني لوبغاړي پلی، چې اوس مړی دی، ۷۶۵ ګولونه وهلي وو او اوس هم درېیم مقام کې دی.
فورم \ دبحث خونه