پاکستاني پولیسو د 'لبیک پاکستان غورځنګ' ډلې مشر خادم حسین رضوي نیولی دی.
اسوشېټېډ پرېس اژانس د پاکستاني پولیسو د یو مقام طاهر محمود له قوله ویلي چې د دغه ډلې ۳۰ نور غړې چې نن شنبه (نومبر ٢۴) یې د پنجاب ولایت ومخې ته د خپل مشر د نیولو په غبرګون کې اعتراض کړی و هم نیولی دي.
د رضوي پلویانو د نوموړي په مشرۍ په اکتوبر میاشت کې اسلام ته په سپکاوي د یوې تورنې مېرمنې اسیه بي بي د محکمې لخوا د برائت ورکولو په غبرګون کې په پاکستان کې په پراخو اعراضونو سره کارونه په ټپه ودرول.
د دې ګوند یو شمېر مشرانو حتا د اسیه بي بي د خوشې کولو د پرېکړې په وجه د هغو قاضیانو د وژلو غوښتنه کړې وه چې هغې ته یې برائت ورکړی دی.
تحریک لبیک: حکومت سره مذاکرات ناکامه شو، مظاهرې به کوو
آسیه بي بي به "ډېر ژر" له پاکستان څخه وځي
خادم حسین رضوي په روانه نومبر میاشت کې د پاکستان د قضائیه قوې، صدراعظم او پوځ پر وړاندې لمسونکي مطالب په ټویټر خپاره کړه چې وروسته پاکستان له ټوېټر شبکې څخه د نوموړي د اکونټ بندلو غوښتنه وکړه.
ټوېټر شبکې هم د پاکستان حکومت تر غوښتنې وروسته د نوموړي ټوېټر اکونټ بند کړ.
د پاکستاني مقاماتو په وینا خادم حسین رضوي خلک تاوتریخوالي او کرکې ته رابولي