د پاکستان د مسلم لیگ نون گوند د انتخاباتو د نتایجو منلو انکار کړیدی او وایي چې په لویه کچه ټگي برگي شویده.
د پاکستان د انتخاباتو د لمړنیو نتایجو نه وروسته د پاکستان د مسلم لیگ نون گوند مشر شهباز شریف یوې خبرې غونډې ته په وینا کې د نتایجو د منلو نه انکار کړیدی او ویلي یې دي چې په ټول ملک کې بدنظمي او ټگي برگي شویده.
د لمړنیو نتایجو په اساس د پاکستان د تحریک انصاف گوند په عمومي اسامبلۍ کې د نورو گوندونو نه مخکې دی.
ښاغلي شهباز شریف وویل چې د هغه د گوند کسان یې هغه وخت د رای شمیرنې د کوټو نه د باندې اویستل چې د رایو شمیرل پیل شول،
هغه دا تور هم ولگاوه چې د هغه د گوند پلویان د رایو ورکولو نه منع کړې شویدي او په بیسارې ډول درغلي شویده چې د پاکستان په تاریخ کې پخوا نه وه شوې.
هغه وویل چې د خپل گوند د غړیو یوه غونډه به ډیره ژر راوغواړي چې پدی وضعیت ورسره خبرې وکړي.
د مسلم لیگ نون مشر په دې اړه یو ټویټ هم وکړ
ښاغلي شهباز شریف وویل چې دغه ټگي برگي به د ملک ته سخت تاوان ورسوي. هغه دا هم وویل چې دا د پاکستان د تاریخ د تر ټولو بد انتخابات دي.
د مسلم لیگ نون گوند نه علاوه د پاکستان نورو گوندونو لکه د پیپلز او جماعت اسلامي گوند د ټگۍ برگۍ تورونه لگولي دي.
د سیاسي گوندونو نه علاوه د سیاسي چارو ځینې کارپوهانو او ژورنالستانو هم تور لگولی چې په انتخابات شفافه نه و.
