د فراه د امنیتې قومنداني وايي د سړک غاړې یو ماین پر یو موټر چاودلی دی او شپږ ملکي کسان یې وژلي دي.
د قومندانۍ ویاند محب الله محب وایي چې پېښه د یکشنبې په ورځ (سپمتبر۱) د فراه د اناردرې په ولسوالۍ کې شوې ده.
وايي په وژل شویو کې یوه مېرمن، درې ماشومان او دوه زلمیان شامل دي چې د انار درې ولسوالۍ د امنیې قومندان د کورنۍ غړي دي.
د امنیې قومندان ویاند ادعا کوي چې ماین طالبان اېښي دی. خو طالبانو لا په دې اړه څه نه دي ویلي.
اناردره د فراه یو نا امنه ولسوالي بلل کیږي چې د هرات د شینډنډ سره نژدې ده او همدغه راز ایران سره هم سرحد لري.
