جمهور رئیس حامد کرزي اود پاکستان صدر اعظم میا نواز شریف د یوی اونی نه په کمه موده کې د دوهم ځل لپاره د دواړو هیوادونو ترمنځ په امنیتي مسلو تیر ماښام ټلیفوني خبرې وکړې.
د افغانستان د جمهوري ریاست د مطبوعاتي ریاست له خوا په یو خپور شوي بیان کې وویل شوي چې حامد کرزي او نواز شریف په دغو تلیفوني خبرو کې چې د دغو دواړو مشرانو ترمنځ د جوزا د ۲۶ ورځې د تلیفوني تماس په دوام د پنجشنبې په ماښام تر سره شوي، د د هغه هیأت د خبرو پر نتایجو بحث کړې چې د پاکستان د صدراعظم لخوا د جوزا په ۲۷مه افغانستان ته رالیږل شوی ؤ.
دا بیان وایي چې د پاکستان صدر اعظم په دې خبرو کې د افغانستان له خوا هغه ته د لیږل شوي پیغام له ټولو برخو سره موافقه وښوده.
بیان زیاتوي « یعنې دا چې له ټولو تروریستانو سره دې پرته له کوم توپیر څخه ګده مبارزه وشي، د تروریستانو ځالې دې له منځه یوړل شي او د دواړو هیوادونو تر منځ ددغې مبارزې د ښه تنظیم لپاره دې یوه د لارې نقشه جوړه شي.»
د افغانستان د جمهوریت ریاست د مطبوعاتي ریاست په بیان کې راغلي چې جمهور رئیس کرزي د تروریزم خلاف جګړه کې د ملکي تلفاتو د مخنیوي تر څنګ د سیمې له ټولو مؤثرو هیوادونو سره ددغې مبارزي په هماهنګ کولو هم ټینګار کړی.
د ارګ د بیان له مخې ددغو خبرو په پای کې دواړو مشرانو موافقه وکړه چې له افغانستان څخه یو هیأت پاکستان ته لاړ شي.
د افغانستان د جمهور رئیس یو لیک چې په هغو کې د افغان لوري ټول نظریات منعکس شوي وي، له ځانه سره یوسي او د راتلونکو پلانونو پر جزئیاتو له پاکستاني لوري سره خبرې وکړي.
د ښاغلي کرزي او ښاغلي شریف ترمنځ په یوه هفته کې د دوهم ځل لپاره دا تلیفوني خبرې وروسته له هغی شوي جې په اسلام آباد کې افغان سفیر جانان موسی زي تیره ورځ د پاکستان د پوځ د مشر راحیل شریف سره د افغانستان او پاکستان په حالاتو خبرې کړي دي.
د جوزا په ۲۶ ورځ نواز شریف په تلیفوني خبرو کې له جمهور رئيس کرزي غوښتي وو چې د پاکستان د پوځ له خوا په شمالي وزیرستان کې د روانو عملیاتو سره مرسته وکړي.
د دوشنبې د ماښام په تلیفوني خبرو کې افغانستان ته د پاکستان د یو لوړ پوړی پلاوی، د سفر په هکله هم بحث شوې وو.
وزیري کډوال
د پاکستان د پوځ له خوا په شمالي وزیرستان کې د روانو عملیاتو سره سم په زرګونو کډوال وزیرستان نه د افغانستان د خوست ولایت ته چې د شمالي وزیرستان سره ګډ سرحد لري راکډه شوي دي.
د خوست د ولایت مطبوعاتي دفتر د یو بیان له مخې، له وزیرستان نه خوست ولایت ته په زرګونو کورنۍ را کډه شوي دي.
د پنجشنې په ورځ په افغانستان کې د ملګروملتونو د کډوالو د چارو د عالي کمشنرۍ مرستیالې میرمن یومیکو تاکاشیما په مشرۍ یو هیت د خوست ولایت ورغلې وو او ددغو کډوالو سره د مرستو په لارو چارو یې د خوست د والي عبدالجبار نعیمي سره خبرې کړې وي.
د خوست ولایتي چارواکي وایي چې تراوسه ددغو کډوالو ۱۴۰۴ کورنۍ یي ثبت کړي او هم یي ددغو کورنیو د اوسیدلو لپاره د ګربزو د ولسوالۍ د ګلان په دښته کې یو کمپ هم جوړ کړی دی.
د افغانستان د جمهوري ریاست د مطبوعاتي ریاست له خوا په یو خپور شوي بیان کې وویل شوي چې حامد کرزي او نواز شریف په دغو تلیفوني خبرو کې چې د دغو دواړو مشرانو ترمنځ د جوزا د ۲۶ ورځې د تلیفوني تماس په دوام د پنجشنبې په ماښام تر سره شوي، د د هغه هیأت د خبرو پر نتایجو بحث کړې چې د پاکستان د صدراعظم لخوا د جوزا په ۲۷مه افغانستان ته رالیږل شوی ؤ.
دا بیان وایي چې د پاکستان صدر اعظم په دې خبرو کې د افغانستان له خوا هغه ته د لیږل شوي پیغام له ټولو برخو سره موافقه وښوده.
بیان زیاتوي « یعنې دا چې له ټولو تروریستانو سره دې پرته له کوم توپیر څخه ګده مبارزه وشي، د تروریستانو ځالې دې له منځه یوړل شي او د دواړو هیوادونو تر منځ ددغې مبارزې د ښه تنظیم لپاره دې یوه د لارې نقشه جوړه شي.»
د افغانستان د جمهوریت ریاست د مطبوعاتي ریاست په بیان کې راغلي چې جمهور رئیس کرزي د تروریزم خلاف جګړه کې د ملکي تلفاتو د مخنیوي تر څنګ د سیمې له ټولو مؤثرو هیوادونو سره ددغې مبارزي په هماهنګ کولو هم ټینګار کړی.
د ارګ د بیان له مخې ددغو خبرو په پای کې دواړو مشرانو موافقه وکړه چې له افغانستان څخه یو هیأت پاکستان ته لاړ شي.
د افغانستان د جمهور رئیس یو لیک چې په هغو کې د افغان لوري ټول نظریات منعکس شوي وي، له ځانه سره یوسي او د راتلونکو پلانونو پر جزئیاتو له پاکستاني لوري سره خبرې وکړي.
د ښاغلي کرزي او ښاغلي شریف ترمنځ په یوه هفته کې د دوهم ځل لپاره دا تلیفوني خبرې وروسته له هغی شوي جې په اسلام آباد کې افغان سفیر جانان موسی زي تیره ورځ د پاکستان د پوځ د مشر راحیل شریف سره د افغانستان او پاکستان په حالاتو خبرې کړي دي.
د جوزا په ۲۶ ورځ نواز شریف په تلیفوني خبرو کې له جمهور رئيس کرزي غوښتي وو چې د پاکستان د پوځ له خوا په شمالي وزیرستان کې د روانو عملیاتو سره مرسته وکړي.
د دوشنبې د ماښام په تلیفوني خبرو کې افغانستان ته د پاکستان د یو لوړ پوړی پلاوی، د سفر په هکله هم بحث شوې وو.
وزیري کډوال
د پاکستان د پوځ له خوا په شمالي وزیرستان کې د روانو عملیاتو سره سم په زرګونو کډوال وزیرستان نه د افغانستان د خوست ولایت ته چې د شمالي وزیرستان سره ګډ سرحد لري راکډه شوي دي.
د خوست د ولایت مطبوعاتي دفتر د یو بیان له مخې، له وزیرستان نه خوست ولایت ته په زرګونو کورنۍ را کډه شوي دي.
د پنجشنې په ورځ په افغانستان کې د ملګروملتونو د کډوالو د چارو د عالي کمشنرۍ مرستیالې میرمن یومیکو تاکاشیما په مشرۍ یو هیت د خوست ولایت ورغلې وو او ددغو کډوالو سره د مرستو په لارو چارو یې د خوست د والي عبدالجبار نعیمي سره خبرې کړې وي.
د خوست ولایتي چارواکي وایي چې تراوسه ددغو کډوالو ۱۴۰۴ کورنۍ یي ثبت کړي او هم یي ددغو کورنیو د اوسیدلو لپاره د ګربزو د ولسوالۍ د ګلان په دښته کې یو کمپ هم جوړ کړی دی.