په کابل کې یو شمېر بزګران او مالداران وایي چې د افغانستان بازارونو ته بې کیفیته توکي واردیږي چې نه یوازې سم حاصل نه ورکوي، بلکې اخیستل یې د دوی له وس څخه لوړ دي. دوی د نباتي تخمونو په برخه کې د جدي کنټرول غوښتنه کوي.
په هرات کې د طالبانو ځايي مسؤلین وايي، چې په تېر یوه کال کې یې تر زرو زیات په نشه يي موادو د روږدو کسانو درملنه کړې ده. د هرات ولایت په نشه یی توکو د روږدو کسانو د درملنې ۱۵۰ بستریزه روغتون په وینا، د ډېری دغه کسان اوس په ټولنه کې د عادي وګړو په څېر ژوند کوي.
په لوګر کې د طالبانو امنیتي مسئولین ادعا کوي چې واک ته د دوی له رسېدو راپدېخوا په دغه ولایت کې د معتادینو شمېر صفر ته راټیټ شوی، خو ددې ولایت اوسیدونکي بیا وایي چې د معتادینو شمېر د پخوا په پرتله کم شوی خو صفر شوی ندی.