سري لانکا له افغانستان څخه د دریو شل اوریزو لوبو لړۍ هم وګټله. سري لانکا په دویمې لوبې کې افغانستان ته د ۷۲ منډو په توپیر ماتې ورکړه.
د دوشنبې د ورځې فبروري ۱۹ (سلواغه۳۰) په لوبې کې د افغان لوبډلې کپتان ابراهیم ځدراڼ د پچې له ګټلو وروسته د توپ اچوونې پرېکړه وکړه.
سري لانکا په ټاکل شویو ۲۰ اورونو کې افغانستان ته د ۱۸۸ منډو هدف وټاکه.
د سري لانکا کپتان هسرانګا د لوبې په سر کې وویل چې هڅه کوي تر ۱۹۰ پورې منډې وکړي.
د افغانستان ټول لوبغاړي په ۱۷ اورونو کې په ۱۱۷ منډو کې وسوځېدل.
دا د دواړو هېوادونو ترمنځ د دریو شل اوریزو لوبو لړۍ ده چې سري لانکا دواړه لوبې وګټلې او درېیمه او وروستۍ لوبه یې د چهارشنبې په ورځ ده.
تر دې مخکې سري لانکا له افغانستان څخه د دریو یوې ورځنیو لوبو لړۍ او د ټست یوه لوبه هم ګټلې وه.