د امریکا د بهرنیو چارو وزارت له نړیوالې ټولنې غوښتي چې دا ټومي فعالیت له امله د ایران سرزورۍ او زور ویلو ته تسلیم نشی.
د واشنګټن او تهران ترمنځ تاوتریخوالي تیره اوونۍ وروسته له هغه زیات شول چې د عمان په خلیج کې د تیلو پر دوو ټانکرونو برید وشو. متحدو ایالتونو ایران مقصر وباله خو تهران دا ادعا رد کړه.
د ایران ولسمشر حسن روحاني هیواد یې له هیڅ هیواد سره د جګړې غوښتونکی ندی خو د هغه په وینا تهران به د امریکا د فشارونو په وړاندې مقاومت وکړي.
ښاغلي روحاني سه شنبې په ورځ د ( مې په ۱۸ ) وویل:" موږ له هیڅ ملت سره جګړه نه کوو. زموږ مقابل طرف یو تعداد کم تجربه سیاستوال دي. د ایران ټول ملت یو موټی دی او په دې مبارزه کې حضور لري."
تهران د دوشنبې په ورځ اعلان وکړ چې د جون په ( ۲۷ نیټه ) به د ۲۰۱۵ کال نړیوال قرار داد پر اساس د ۳۰۰ کیلوګرام یورانیمو د تولید لپاره ټاکل شوي حد ته پام کې ونکړي.
دغه څرګندونې په داسې حال کې کیږي چې د امریکا د دفاع سرپرست وزیر پاټریک شناهن د جون په اولسمه نیټه منځني ختیځ ته د شاوخوا زرو نورو سرتیرو د استولو اعلان وکړ ، خو زیاته یې کړه چې دا اقدام دفاعي اهدافو لپاره دی.
ټاکل شوېده مایک پمپیو تیره اوونۍ پر دوو ټانکرونو د برید د غچ اخیستو په هدف نن د جون په اتلسمه نیټه منځني ختیځ ته د ډیرو سرتیرو د استولو په اړه د امریکا له نظامي چارواکو سره وګوري.
بلخوا په نویو خپرو شویو تصویرونو کې، د امریکا په وینا د ایران سپاه پاسداران ځواکونه د جاپان د تیلو د لیږدونکي بیړۍ له یوې برخې څخه نه چاودیدونکی ماین لرې کوي.
په بل تصویر کې معلومیږي چې ماین په کوم ځای کې ایښودل شوی وو. دریم تصویر یو لوی سوری ښکاره کوي چې د پنټاګون په وینا دا ممکن د ماین د چاودنې له امله رامنځ ته شوی وي.
د جمهور رئیس ټرمپ حکومت له ایران سره اټومی تړون نه ووت او پر هغه هیواد یې شدید بندیزونه ولګول، د امریکا دا عکس العمل ایران د مشرانو د قهر لامل شو.
ایران تیره میاشت خبرداری ورکړ که بریټانیا، چین ، فرانسه، جرمني او روسیه چې د ۲۰۱۵ کال د قرار داد نور غړي هیوادونه د تهران د تیلو پر خرڅلاو امریکا د بندیزونو د لري کیدو په برخه کې مرسته ونکړي دا هیواد به د ۲۰۱۵ کال د نړیوال قرار داد له مخې د یورانیمو پر غني کیدو او درندو اوبو لګیدلو محدودیتونو ته پام ونکړي.
اسرایلو د ایران له خوا د اټومي قرار داد د نقض کولو په صورت کې پر ایران د ډیرو بندیزونو غوښتنه کړې.
خو روسیې دفاع کړې او ویلي دي نړیوالو څیړونکو په وروستیو کې ویلي چې تهران په بشپړ ډول د نړیوال قرار داد تعهداتو ته ژمن پاتې شوی دی.
بریټانیا، جرمني او فرانسې ایران ته د ۲۰۱۵ کال د قرارداد د نقض کیدو په اړه خبرداری ورکړی.
