جو بایډن د انتخاباتو په ورځ د دلاویر په ایالت کې د رای ورکوونکو په منځ کې راڅرګند شو. ټاکل شوی چې ښاغلی بایډن به نن په پنسلوانا ایالت کې د رای ورکولو دوو مرکزونو ته لاړ شي او نن ماښام به د دلاویر ایالت څخه خبرې وکړي.
دونالد ټرمپ د انتخاباتو د ورځې په سهار د فاکس تلویزیوني خپرونې "فاکس او دوستان" کې خبرې وکړې او وویل چې ځان به د ټاکنو ګټونکی اعلان کړي. ښاغلي ټرمپ همداشان د سه شنبې په ورځ د واشنګټن ډي سي په څنډه کې خپل انتخاباتي مرکز ته ځي.
د امریکا د داخلي امنیت وزیر چاد وولف د سه شنبې د ورځې په سهار وویل چې "هیڅ نښه نښانه" نشته چې "بهرني عمال" د امریکا د انتخاباتو په بهیر کې بریالی دخالت وکړي.
له دې دمخه د امریکا استخباراتي مقاماتو ویلي وو چې چینايي او ایراني هکران د امریکا انتخاباتي سیستمونو د داخلیدو لپاره سایبري بریدونه کړي دي.
د امریکا د جمهوري ریاست د ټاکنو د نن ورځې وروستی حال د امریکا د ویرجنیا ایالت څخه وحيدالله فيضي درکوي
په امریکا کې د جمهوري ریاست د انتخاباتو په اړه د امریکاغږ اشنا تلویزیون ځانګړې خپرونه دلته کتلای شئ