امریکایي رای ورکوونکي نن سه شنبه د نومبر درېیمې په انتخاباتو کې د جمهور رئیس سربیره د امریکا د کانګرس ۴۳۵ او د سنا د مجلس ۳۵ غړي هم ټاکي.
د ۲۰۲۰ کال په انتخاباتو کې ډونالد ټرمپ، د جمهوري غوښتونکي او جو بایډن د دموکرات ګوند له خوا کاندیدان دي.
د ۲۰۱۶ کال د انتخاباتو راهیسې د امریکا په متحده ایالاتو کې ۱۵ میلیونه نور کسان د رای ورکولو د شرایطو واجد شوي.
د امریکا د متحده ایالاتو د انتخاباتو د مسولینو د شمیرو له مخې ۹۸ میلیون رای ورکوونکو مخکې له مخکې رای ورکړې دي.