د امریکا د متحده ایالاتو د انتخاباتو د ګټونکي سرنوښت ټاکونکی هیت یا الیکټورال کالج (Electoral College) ټاکي. د امریکا هر ایالت د خپل نفوس په پرتله په ټاکلې اندازه د الیکټورال کالج رای لري.
امریکایي رایه ورکوونکي د خلکو دغې ډلې ته چې ټاکونکی هیت یا الیکټورل کالج بلل کیږي، رایه ورکوي.
د امریکا په ټولو ایالتونو کې د الکټورال کالج د رایو مجموعه ۵۳۸ ده، یعني دا شمیره د امریکا د سنا د ۱۰۰ رایو، د استازو د مجلس د ۴۳۵ څوکیو او د واشنګټن ډي سي د دریو رایو سره برابره ده. هر کاندید چې د الکټورال کالج یا د ټاکوونکي هیت ۲۷۰ رای ترلاسه کړي د انتخاباتو ګټونکی دی.