د اسیا کپ د کرکټ په روانو سیالیو کې پاکستان د یوې په زړه پورې لوبې په ترڅ کې افغانستان ته ماتې ورکړه.
دا لوبه د چهارشنبې په ورځ سپتمبر شپږمه (وږې۱۵)د شارجې د کرکټ په نړیوال لوبغالي کې وشوه.
پاکستان د پچې له ګټلو وروسته افغانستان ته د منډو کولو بلنه ورکړه چې افغانستان په ټاکل شویو اورونو کې پاکستان ته د ۱۳۰ منډو هدف وټاکه.
پاکستان دا هدف په وروستي اور کې پوره کړ او لوبه یې وګټله.
په دې بري سره پاکستان د اسیا کپ سیالیو پایلوبې ته ووت چې له سري لانکا سره به مخامخېږي.
افغانستان او هند سبا خپله وروستۍ لوبه کوي.