دغه پُل ۵۴.۷ کیلو مېرت اوږدوالی لری او د چهارشنبې په ورځ (اکتوبر۲۴) د چین او هانګ کانګ تر منځ پر مروارید سیند پرانیستل شو.
د دغه پله د جوړولو چارې شاوخوا لس کلونه ونیول او ۲۰ میلیارد ډالر لګښت پرې راغلی دی. چین د دغه پله په جوړولو کې له یوې سترې ننګونې سره مخامخ و. په دغه پروژه کې د اورګاډي پلټۍ هم شامله ده چې ۱۱ میلیارد ډالر لګښت پرې راغی.
"هانګ کانګ – ژوهای – مکاو" نومول شوی دغه پُل پُل د "مروارېد" له سیند څخه لکه مار کوږ اوږ تېر شوی. د دغه پله په جوړولو کې څه باندې ۴۲۰ ټنه اوسپنه کارول شوې ده.
د پله په اوږدو کې دوه مصنوعي جزېرې هم جوړې شوې او تر اوبو لاندې د کښتیو د تګ راتګ لپاره هم په کې لاره جوړه شوې. د دغه پُل د جوړېدو پر مهال د بېلابېلو پېښو له کبله شاوخوا ۱۸ کارګر مړه شوي او ۴۰۰ نور ژوبل شوي دي.
د پول طراحان او معماران وایي پُل یې داسې جوړ کړی دی چې د ریکتر په کچه د ۷درجې زلزلې مقاومت به ولري او شاوخوا ۱۲۰ کاله به وپايي. له دغه پُل نه هر تېرېدونکی باید د۸ /۱۰ ډالرو فیس ورکړي.
