د هند حکومت "د اتباعو د نوم ثبتولو د ملي کتاب" په نامه یو لست خپور کړی چې د آسام په ایالت کي یي شاخوا څلورو میلیونه هغه خلک له تابعیت څخه بې برخې کړي دي چې د اعتبار وړ اسناد ونلري.
په دغه لست کې زیاتره د هغو کسانو نومونه شامل دي چې د بنګله دیش د آزادۍ څخه یوه ورځ مخکې دغه ایالت ته ورغلي دي.
د ۱۹۷۰ لسیزې په لومړیو کې له پاکستان څخه د آزادۍ د اخیستلو په جګړه کې د بنګله دیش سلګونو زرو وګړو هند ته تیښته وکړه چې زیاتره یې په آسام کې میشت شوي دي. دغه ایالت له بنګله دیش سره ګډه پوله لري.
په ۱۹۸۵ کې د وخت صدراعظم راجیو ګاندهي "د آسام تړون" په نامه یوه موافقه لاسلیک کړه چې له مخې به یې هغه ټول کسان وشړل شي چې د ۱۹۷۱ کال د مارچ له ۲۴ نیټې څخه مخکې دغه ایالت ته نه دي راغلي، ځکه چې هغوی وګړي نه ګڼل کیږي.
