ددغه ولایت د بلخ ولسوالۍ د ده قاضي کلي یو تن کروندګر حمیدالله، چې په څلور جریبه ځمکه کې یې بېلابېل ډول سبزي کرلي دي وايي، د سبزیو په کرلو، زحمت او لګښت ته په کتو ډېره لږه ګټه کوي او یا هم ډېری وخت له تاوان سره مخ کېږي.
نوموړی زیاته کړه، چې ډېر کله مارکیټ ته د سبزیو له وړلو وروسته نا هیله کېږي؛ ځکه په سبزیو زحمت دوی وباسي خو بیا په مارکیټ په سمه بیه نه پلورل کیږي. دغه کروندګر د مارکیټ له بیو خوښ نه دی او په خبره یې، مارکیټ باید کنټرول شي، ځکه سوداګر له دوی حاصلات په ارزانه اخلي، خو خپله یې بیا په ګرانه بیه خرڅوي.