نوموړی وايي، تخمونه يې له بل دهقان څخه په پور اخیستي و او په دې هیله مې فصلونه کرلي و، چې حاصلات به يې واخلي او له ګټې سربېره پورونه پریکړو.
دی وايي، تېر کال يې ځمکو ښه حاصلات ورکړي او سږ کال يې هم په هماغه هیله ډېره ځمکه کرلې وه، تر څو يې د کورنۍ ستونزې پرې هوارې شي.
د ننګرهار ځايي طالب چارواکو که څه د دې راپور تر جوړېدو پورې د کرنیزو ځمکو د تخریب په اړه دقیق ارقام نه دي خپاره کړي، خو تائید کړې ده، چې سلګونه جریبه ځمکه کې فصلونه د وروستي طوفان او سیلابونو له منځه تللي دي.