په کندز ښار کې د پيازو یو تن کروندګر محمد عمر چې په یو جریب ځمکه کې یې پياز کرلي دي، وايي چې سږ کال یې کښت مرض وهلی او حاصلات یې کم شوي دي او همدا ډول په بازار کې د پيازو بیې هم ارزانې شوي دي. د نوموړي په وینا، د پیازو بیې ځکه ارزانې شوي دي، چې منظم مارکیټ نشته او بازار ته په یو وخت زیات پياز عرضه کېږي.
د هغه په خبره، په کندز ولایت کې د دوی د حاصلات د ساتلو لپاره سړې خونې هم نشته. دغه کروندګر وايي که سړی خونې جوړې شي حاصلات به یې په کې ساتل کېږي او دوی به یې په ښه بیه خرڅوي.