د کندوز ولایت په چهاردرې ولسوالۍ کې یو تن کروندګر، ګل میر له څو کلونو راهیسي د میلون په نوم یو ډول خټکي د پلاستیک لاندې کري.
د ګل میر په وینا په یو جریب ځمکه کې ددغه خټګیو په کرلو ۵۰ زره افغانۍ لګښت راځي، خو دی وايي له یوه جریب خټکیو له خپل مصرف پرته ۵۰ زره افغانۍ ګټه کوي.
ګل میر وايي کروندګر دې د کوکنارو له کر څخه لاس واخلي او د پلاستیک لاندې د خټکیو یا نورو کښتونو کرلو ته دې مخه کړي، ځکه په دغو ډول د خټکیو کرلو ګټه له کوکنارو یو په دوه چنده ډېره ده.
د کوکنارو په کر له بندیز وروسته کروندګر له بېلابېلو لارو، چارو په استفادې هڅه کوي، ترڅو وکولای شي له خپلو حاصلاتو د کوکنارو په اندازه ګټه ترلاسه کړي.