په پکتيا کې د مڼو او نورو کرنيزو محصولاتو د ساتنې لپاره ۷۰۰ سړې خونې جوړېږي، د کرنې مسؤلين وايي چې د دې پروژو له پلي کېدو سره به په دغه ولایت کې د چرسو کښت را کم شي.
په خوست کې د پيازو او کچالو د ساتنې لپاره ۲۲۰ منځنۍ سړې خونې جوړېږي،کروندګر وايي چې له دې سر به نه یوازې د دوی اقتصاد ښه شي، بلکې نور به هم د تریاکو او چرسو پر ځای د حلالو کښتونو کرلو ته وهڅوي.
د خوست ځينې کروندګر وايي د سبزیجاتو په کرلو نه یوازې د کورنۍ نفقه برابروي بلکې په مارکېټ کې د سبزیجاتو د اړتیا په پوره کولو کې هم مرسته کوي.
د خوست ولایت په صبري او يعقوبي ولسوالۍ کې پر لمونځ کوونکو په ډزو کې درې وروڼه وژل شوي او يو بل ټپي شوی دی.
پکتیا کې تندر قول اردو چارواکي وايي، نن سهار ۸:۳۰ بجې په ګردیز کې د ملي اردو یوې ودانۍ سره نږدې د موټر بمب چاودنه شوې، چې پنځه ملکي وګړي یې وژلي او ۲۰ نور یې ټپیان کړي دي.
په خوست او پکتيکا ولايتونو کې په بمي چاودنه او وسله وال بريد کې درې قومي مشران وژل شوي او تر لسو ډېر نور ملکيان ټپيان شوي دي.
د پکتیا د ګردېز اوسېدونکي ګل آغا په ملي اردو کې شاوخوا اته کاله دنده ترسره کړې، خو په نشو د اخته کېدو له امله يې نه يواځې خپله له لاسه ورکړې، بلکې کورنی ژوند يې هم له سختو کړاوونو سره مخ دی.
د پکتيا د کرنې او مالدارۍ رياست د دې ولايت په هغو ولسوالیو کې چې چرس کرل کيږي، د بديلو کښتونو د ترويج هڅې کوي.
د پکتیا په ګردېز کې د روغتیا مسئولین په معتادینو کې د کرونا وایروس د مخنیوي لپاره د معتادینو د را ټولېدو ځایونه دوا پاشي کوي.
د خوست والي محمد حلیم فدايي پر موټریز کاروان موټر بم چاودنه کې ۱۴ تنه ټپیان شوي دي.
د پکتيکا د ولايتي منسوبينو په وينا په برمل ولسوالۍ کې د سړک غاړې ماين چاودنې پنځه وزيرستاني کډوال وژلي او دوه نور يې ټپيان کړي دي.
د خوست والي محمد حلیم فدايي وايي چې په دغه ولايت کې له نشه يې توکو سره د مبارزې حکومتي مامورين خپله په نشه يي توکو اخته دي، چې له همدې امله د نشه يي توکو پر وړاندې مبارزه بریالۍ نه ده.
د خوست والي محمد حلیم فدايي پر ټولو حکومتي، غیر حکومتي بنسټونو او خلکو غږ کوي چې له نشه يي توکو سره د مبارزې لپاره لاس په کار شي.
په افغانستان کې يو شمېر ديني عالمان وايي، هغه کورنۍ چې له ګوزڼ ضد واکسين سره مخالفت لري، خپلو ماشومانو ته د دغه واکسين له تطبيق څخه د انکار هيڅ معقول دلايل نه لري.
د ګوزڼ ضد واکسين د وروستيو کمپاينونو پرمهال د خوست په پنځو ولسواليو کې کلينيک په کلينيک ماشومانو ته واکسين شوی دی. خلک وايي، د دوی په همکارۍ دې کور په کور د ګوزڼ دغه کمپاينونه تر سره شي.
د خوست ولایت د عامې روغتيا رياست مسؤلين وایي، ۵۷ سیار ټيمونو ښه نتيجه ورکړې ده، چې په لويو لارو او کليو کې د ګوزڼ پر وړاندې د ماشومانو د واکسين په موخه ګمارل شوي دي.
ځايي روغتيايي مسؤلينو ويلي، چې په خوست کې له ګوزڼ ضد واکسين څخه د انکاري کورنيو په شمېر کې ډېروالی راغلی دی. ديني عالمان له خلکو غواړي چې د ماشومانو روغتيا او راتلونکی په پام کې ونيسي.
د پکتيا هغه کروندګر چې چرس کري، له دولت څخه غواړي چې د بديلو کښتونو د ودې او پرمختيا په برخه کې له دوی سره مرسته وکړي.
په افغانستان کې د کروناويروس د خپرېدو د مخنيوي په خاطر تدابير پراخ شوي، خو د خوست ښار په ګډون د افغانستان په ځينو ښارونو کې په ګڼه ګوڼه کې د پام وړ کمښت نه دی راغلی.
له هغه مهال راهيسې چې د ګوزڼ ضد واکسين کمپاينونه محدود شوي، په خوست کې له واکسين څخه د پاتې کيدونکو ماشومانو شمېر مخ پر ډېرېدو دی.
نور پورته کول
