د پاکستان پولیسو د شنبې په ورځ مې ۲۱ (غوایي ۳۱) ویلي دي چې "د ناموسي قتل" په توګه د دوو پاکستاني – اسپانوي خویندو د وژلو په اړه څیړنې کوي.
د پاکستان په ختیځ ګجرات ښار کې پولیسو ویلي هغوی د ۲۴ کلنې انیسه عباس او ۲۱ کلنې عروج عباس د وژلو په اړه څیړنې پیل کړي دي.
د پولیسو ویاند د فرانسې خبري آژانس ته ویلي چې دواړو دغو ځوانو میرمنو له خپلو خاوندانو څخه د جلا کیدو هڅه کوله.
پولیسو زیاته کړې دا میرمنې له اسپانیا څخه ګجرات ته غوښتل شوې وې چې د جمعې په ماښام زیندۍ او بیا په ډزو وژل شوې دي.
د ګجرات د پولیسو ویاند نعمان حسن وویل:" کورنۍ یوه کیسه جوړه کړې وه څو هغوی وهڅوي چې د یو څو ورځو لپاره پاکستان ته راشي. لومړنۍ څیړنې ښي چې دا ناموسي وژنې دي، خو قضه لا پراختیږي او تحقیقات روان دي."
پولیسو ویلي دغه میرمنې همدارنګه د خپلو مړونو له خوا چې د ترور "عمه" زامن دي اسپانیا ته د هغوی د بیولو له امله تر "فشار" لاندې وو.
پاکستان چې یو سخت محافظه کار هیواد دی ، میرمنې تل پکې د کورنیو عزت ته د تاوان د رسیدو له امله په ډزو وژل شوي، په چړو له منځه وړل شوي، سنګسار شوي، سوزول شوی او زیندۍ شوي دي.
د پخوانیو رواجونو او دودونو له مخې دغه ډول میرمنې تر ډیره د خپلو کورنیو له خوا د قانون خلاف ځکه وژل کیږي چې غواړي د خپلې کورنې نوم وساتي.
د پاکستان د بشري حقونو د کمیسیون د معلوماتو له مخې تیر کال په پاکستان کې د ناموسي قتلونو څه بانندې ۴۵۰ موارد ثبت شوي دي.
د دا ډول پیښو اکثریت قربانیانې میرمنې دي او تر ډیره یې راپور هم نه ورکول کیږي.
