د دې ولایت فارم هډې اړوند څلورم بلاک سیمه کې د عبدالصبور په نوم یو بڼوال د کانال اړوند په شاو خوا ۱۱۲ جریبه ځمکه باندې د مالټو بڼوالي کړې ده.
عبدالصبور وايي، دا يې څلورم کال دی، چې بڼوالي يې کړې ده او په ټوله ځمکه کې يې تر ۷۰۰۰ زره پورې د مالټو بوټي نهال کړي دي، چې په خبره يې سږ کال يې څه نا څه حاصل هم کړی و.
دی وايي، دا ځمکې پخوا شاړې دښتې وې، خو اوس پکې د مالټو باغونه کرل شوي دي، چې له یوې مخې يې سیمه اباده کړې او له بله اړخه د مالټو ښه حاصلات ولري.
دی وايي، سږ کال يې هم د مالټو باغ څه نا څه حاصلات کړي و، خو هیله مند دی، چې راتلوونکې کال ته به يې د مالټو حاصلات لا زیات وي.
د هغه په خبره، چې لا هم باید کروندګرو او بڼوالو ته د کانال اړوند ځمکې په اجارو ورکړل شي تر څو له یوې خوا خلکو ته د کار زمینه برابره شي او ورسره د ځمکو د ابادۍ ترڅنګ په کور دننه د مالټو حاصلات زیات شي.