د چهاردرې ولسوالۍ یو تن کروندګر، خالد چې تقریباً لس کاله وروسته یې شولې کرلي دي، وايي له شولو په جریبه ۱۲۰ منه وریجي اخلي او بیه یې هم په بازار کې ښه ده. په چهاردره کې، چې پخوا د شولو د کرلو لپاره مشهور وو، له تېرو اته کالونو راهیسې د اوبو د کموالي له امله شولې نه وې کرل شوې. سږ کال د اوبو په نسبي زیاتوالي سره، یو شمېر کروندګرو بیا شولې وکرلې او له حاصلاتو خوښ دي.
په کندز کې کروندګر د شولو له سږني حاصلاتو خوښ دي
Your browser doesn’t support HTML5
د کندز ولایت د چهادرې په ولسوالۍ کې یو شمېر کروندګرو چې د اوبو د کموالي له امله یې له څو کالونو ځنډ وروسته سږ کال شولې کرلې دي، وايي چې د شولو له حاصلاتو خوښ دي. ددغو کروندګرو په وینا د شولو حاصلات له نورو کښتونو څو چنده ښه وي او ترڅنګ یې ځمکه هم قوي کوي.