د سپینې ماڼۍ د ملي امنیت سلاکار جیک سلیوان د سه شنبې په ورځ جنوري ۱۶ (مرغومي ۲۶) وویل، که څه هم امریکا په یمن کې د حوثي یاغیانو پر مرکزونو بریدونه ترسره کړي، خو په منځني ختیځ کې د کړکیچ مخنیوی غواړي.
سلیوان د سویس په داووس کې په نړیوال اقتصادي فورم کې وویل: "موږ د شخړو د خپریدو مخه نیسو او د تاوتریخوالي د کمولو لپاره شرایط رامنځته کوو."
سلیوان وویل چې د ایران ملاتړ لرونکو یاغیانو سره د جګړې لاره "په تهران او د منځني ختیځ په نورو پلازمینو کې د نفوذ لرونکو" باندې تکیه لري.
هغه وویل چې متحده ایالاتو پر داسې "لارې" غور کړی دی چې د غزې د جګړې د پراخېدو مخه نیسي.
سلیوان وویل: "موږ په ټوله سیمه کې د شریکانو سره په لیوالتیا سره کار کوو ترڅو یوه لاره تعقیب کړو. مګر په ورته وخت کې، موږ باید د دې احتمال په وړاندې خورا محتاط واوسو چې د تاوتریخوالي د کمولو پر ځای داسې تاوتریخوالي ته اجازه ورنکړو چې په راتلونکي کې ورسره لاس او ګریوان اوسو."
متحده ایالاتو او بریتانیې تیره اونۍ په یمن کې د حوثیانو په مرکزونو وروسته له هغه بریدونه وکړل چې یاغیانو د اسرائیل او حماس د جګړې په غبرګون کې په سره بحیره کې پر باروړونکو کښتیو بریدونه وکړل او نړیواله سوداګري یې له ګواښ سره مخامخ کړه.
فورم \ دبحث خونه