د لغمان اوسېدونکي میرزمان یو وخت ښه ژوند درلود، خو له کله چې په نشو اخته شوی دی اوس د کابل پر واټونو کباړ ټولوي.
هغه ایران ته د مزدورۍ لپاره تللی وو خو هلته یې د دې لپاره چې ځان په یخنۍ کې ګرم وساتي تریاک څکول.
میرزمان وایي " شپه او ورځ مې کار کولو د شپې مې باغونو ته اوبه ورکولې او د ورځې به مې نور کار کاوه، هوا سړه وه یخ مې کېدی، نو تریاک به مې چې وڅکول ګرم به شوم نه پوهیدم چې معتاد به شم .”
دغه ځوان معتاد تمه لري چې یو ورځ خپله درملنه وکړي او بېرته له خپلې کورنۍ سره یو ځای عادي ژوند پیل کړي.