په نشو اخته یو ځوان چې پخوا یې د پولیسو په لیکو کې دنده درلوده، وروسته له هغه په نشو اخته شو چې په یوه چاودنه کې ټپي او د درملنې لپاره له روزګان څخه کابل ته راغی.
سردار محمد وایي په کابل کې یې اسناد ورک شول چې له ډېره خپګانه یې نشو ته مخه کړه.
هغه وايي" اوس زه دا غواړم چې زما کورنۍ په ما خبره شي، کرایه راواستوي او ما له دې ځایه وباسي، چې ورځ تېریږي کور مې خرابیږي، پښه مې هم زخمي ده، ډاکټر ویل پښه دې غوڅه کړه که نه له دغه څه مرې".
هغه وايي کورنۍ یې اوس هم فکر کوي چې زه په درملنه پسې راغلی یم، خو زه د خپلوانو مرستې ته اړتیا لرم چې بېرته مې کور ته بوځي.