زهرا چې یو وخت په نشه يي توکو اخته وه، له رغېدو وروسته اوس په کابل کې د معتادینو په یو روغتون کې دنده لري.
هغه وايي چې خاوند یې معتاد وو چې له امله یې دا او د هغوی څلور بچیان هم غیر مستقیم په نشو اخته شوي ول، خو تر درملنې وروسته یې خاوند هم روغ شوی دی.
دغه پخوانۍ معتاده وایي "زیات تغییرات راغلي، ډېره خوشحاله یم چې وظیفه مې ترلاسه کړه، ۴۵ ورځې بستره وم نو کله چې له دې ځایه ولاړم وروسته له ۱۵ ورځو را په دې خوا په کار ګومارل شوې یم، اقتصادي وضعیت مې هم ښه شوی او د میاشتې دوولس زره معاش لرم “.
زهرا وايي چې اوس له خپل خاوند او څلورو ماشومانو سره خوشحاله ژوند لري او هڅه کوي چې ماشومان یې زده کړې وکړي او د تل لپاره یې له نشو لرې وساتي.