د کندوز اوسېدونکی شکرالله چې شاوخوا لس کاله کیږي نشه يي توکي کاروي وايي چې ایران ته د مزدورۍ لپاره لاړی خو هلته په نشو اخته شو.
هغه چې اوس د کابل پر واټونو شپې سبا کوي وايي پخوا یې په پولیسو کې دنده درلوده خو په نشې تر اخته کېدو وروسته یې ژوند له کړاوونو ډک شو.
شکرالله وايي " زه مسافرۍ ته لاړم ها خوا دېخواه وګرځیدم، معتاد شوم غمونو چرتونو پر سګرېټو راوستم، چرس مې شروع کړل، ورو ورو معتاد شوم بیا ایران ته ولاړم دوه میاشتې مې تیرې کړې تریاک مې څکول بیا راغلم افغانستان ته بیا دلته شیشه هیرویین څکوم".
هغه وايي چې د درملنې هڅه یې کړه خو نه توانېدلی چې له نشو لاس واخلي.
شکرالله وايي نشه ييتوکو ته اسانه لاسرسی او بېکاري د دې لامل شوې چې په نشو د اخته کسانو شمېر ورځ تر بلې زیات شي.