تیره شپه د بغلان ولایت په مرکز پلخمري او د دغه ولایت د دوشي ولسوالۍ کې سیلابونه راوتلي، چې یو تن په کې وژل شوی او خلکو یو شمیر کورونه یې ړنګ کړي دي.
د بغلان د طبیعي حوادثو پر وړاندې د مبارزې رئیس نصیر کهزارد وايي، چې د پلخمري په ښار کې سیلابونو یو تن وژلی او ۲ نور یې ټپیان کړي دي.کهزاد امریکا غږ اشنا راډیو ته وویل، چې په دوشي ولسوالۍ کې سیلابونو ۱۰۰ جریبه زراعتي ځمکه تخریب کړې ده.
هغه زیاتوي چې د دوي سروې جریان لري او کیدای شي تر ۱۰۰ زیات کورونه هم تخریب شوي وي.
کهزاد وویل چې له سیلاب ځپلو سره بیړنۍ مرستې شوي خو د زیاتو معلوماتو او دقت لپاره سروې روانه ده.
د بغلان د والي ویاند محمود حقمل وايي چې د سیمې خلک ادعا کوي چې دوه تنه د سیلابونو له امله ورک دي خو لا تر اوسه دغو ورکو کسانو راپور دقیق شوی نه دی.
هغه وویل چې د سیلابونو د تخریب د معلومولو لپاره یې ډرې ډلې په دنده ګومارلي او د سروې له پوره کیدو وروسته به له خلکو سره مرستې وشي.
