د پکتیکا روغتيايي چارواکي وايې په دې ولايت کې يو شمېر ځوانانو د نشه يې توکو د استعمال له کبله مړه شوي دي.
ډاکټر علي خېل صادق٬ د مرکز ښرنې ملکي روغتون سرطبيب وايې د يوې مياشتې په موده کې پنځه تنه ځوانان د ژوند په وروستیو سلګیو کې دغه روغتون ته راوړل شوي او ټول یې په همدغه مرکز کې مړه شوي دي.
صادق د دغو ځوانانو د مړينې لامل د زياتو الکولو کارول ياد کړل.
ياده دې وي چې په دې وروستيو کې په پکتیکا کې د معتادينو شمېر مخ پر زياتېدو دی.
