د پکتیکا د عامې روغتيا رياست وايې، چې ددغه ولایت په مرکز ښرنه کې د معتادينو د درملنې لپاره د ۲۰بستريز روغتون د جوړېدو چارې ۹۰سلنه بشپړې شوې دي.
دا ۲۰ بستریز روغتون به ولایت په کچه د معتادینو د درملنې یو مجهز روغتون وي.
د دې روغتون په جوړېدو د پکتیکا ولسونه خوښي ښيي، خو له دولت څخه د نشه يي توکو په پېر او پلور د سخت بنديز غوښتنه هم کوي.
تر دې وړاندې په ارګون کې د معتادينو يواځينی روغتون وو چې د ټول ولايت معتادينو لپاره يې صحي خدمات ترسره کول.
