په چین کې چارواکي واکي د دغه هېواد د ژیجیانګ په ایالت کې د تیلو یو ټانګر چاودلی دی لږ تر لږه ۱۹ کسان په کې مړه شوي او ۱۷۰ نور ژوبل دي.
ټانګر پطرول بار کړي وو چې د وینلینګ په لویې لارې کې چاودلی دی.
په مړو او زخمیانو کې د پېښې سیمې ته نژدې د یوې فابریکې کارکوونکي او لارویان شامل دي.
د چین دولتي اژانس ژینهوا وايي چې په دغې پېښې کې په ځاني زیانونو سربېره مالي زیانونه هم اوړېدلي دي.
په چین کې د ژغورنې او اور وژنې د څانګې مشر ژو سینجیانګ وايي چې په دغې پېښه کې د تولید یوه فابریکه، د پېښې په شاوخوا ۷۰ کیلیو مېترۍ کې د استوګنې د کورونو ۲۰۰ کوټې او موټرونه زیانمن شوي دي.
نوموړي وویل چې په دا ډول پېښو کې زیانونه زیات وي.
د چین دولتي تلویزون وايي دا پېښه تېره ورځ ماسپښین شوې ده او دعلت معلومولو لپاره یې پلټنې پیل شوي دي.
د چین حکومتي چارواکو هم د دغې پېښې په اړه د سملاسي تحقیق غوښتنه کړې ده او د ترافیکو پولیسو ته یې اجازه ورکړې د چې د هغو ټانکرو او موټرو تخنیکي ارزونه دې لا جدي کړي چې خطرناک مواد انتقالوي.
